بلدى قصاد عينى

آه يا بلد فيكى المسئول زى الزبون ... دايما يقول أنا على حق
أنا أعمل ما بدالى محدش يقولى لا
نطلع نقول حقنا ... يطلع يقولك لأ
فئوية دى مطالبكم
حرام عليكم بقى ... دى هى ماشية زئ
مسئول وعايش متهنى وناس معاشرة البق
الفقر مالى البلد عارفينه يشبه إيه ......
راجل عجوز ومكحكح رجليه مليها الشق
طالع يقول العدل ما يلاقى غير الدق
دقوا عليه قتلوه ... دا شاب شايل بيت ... حمل وسابو أبوه
فى الصبح كالعادة ... نازل اجيب العيش
فى طابور طووووويل وأنا واقف والضرب فيه شغال
أهرب يمين فى شمال مش لاقى اى مجال
هاتوا الحكومة يا ناس ... هموت عشان العيش ... حكومة مين يا حاج
دا اللى مسكنا ... الجيش
واهرب يمين فى شمال مش لاقى أى مجال
وأرجع وأنا متشال
فى إيديا كراستى ... رايح لمدرستى
أتوبيسى مستنى ... دايما يوصلنى
أمى على الشباك ؛ واقفة تودعنى
أصحابى حواليا ؛ وأخويا جمبيا
فى طريقنا ماشيين
قالوا الخفير كان نايم
سواقنا .. قالوا عليه غفلان
قالوا دا شاف القطر .... وعدى المزلقان
هو أكيد غفلان ... هو أكيد غلطان
ودى بنية تحتية
متسألنيش عنها..... إسأل عليها زمان
إسأل عليها زمان
أرسل مقالك للنشر هنا وتجنب ما يجرح المشاعر والمقدسات والآداب العامة
page2almesryoon@yahoo.com