أنا خايف .. ومش عارف لأمتى خوفي مستني !!

مشهد الخوف والحذر والترقب هو الضيف الثقيل والزائر الكئيب الذي حل على كثير من العيون والقلوب والكلمات من حولنا هذه الأيام ، نراه بكل الصور وكل الألوان وكل الأعمار .. فجمعت ما رأيت وأحسست ، وسطرته خاطرة ، أنفث بها بعض خوف .. ليبقى بعض أمل .. ورجائي : { وآمنهم من خوف } .
أنا خايف ومش عارف لأمتى خوفي مستني
أنا خايف ودمعي جوايامغرقنيبيحرقني .
أنا خايف أعيش خايف ومداري ومتخبي .
أنا خايف أعيش وحدي وجوايا متعري .
أنا خايف لحلمي يكون همي يكون كربي .
أنا خايف ليوم قلم أيدي .. يكون ألمي .
أنا خايف لنور الشمس مينورش ويعدي .
أنا خايف ظلام الليل يطول وما يعدي .
أنا خايف يضيع اليوم ولا أركع ولا اصلي .
أنا خايف أقول الآه وقلبي ما بيوجعني .
أنا خايف يموت الورد وشوكه يبقى مستني .
أنا خايف على أرضي ترتوي وتتملي بدمي .
أنا خايف على بكره على بعده على عمري .
أنا خايف على بلدي على عرضي على ولدي .
أنا خايف على الأحلام تكون أوهام ولا تمني .
أنا خايف لروسنا تاني غصبن عنها حتوطي .
أنا خايف من الطوفان يغرقني .. ومن بعدي .
أنا خايف من الأشرار ..من الشر اللي مستني .
أنا خايف على الثورة من الثوار .. ومن قلبي .
أنا خايف ومش عارف لأمتى خوفي مستني .
أنا خايف وأقول يارب يا منان يا أملي .
أنا خايف وأقول يارب يا رحمن ترحمني.
أرسل مقالك للنشر هنا وتجنب ما يجرح المشاعر والمقدسات والآداب العامة
page2almesryoon@yahoo.com