فتحي: الداخلية لم تقتل "جابر صلاح"

فجر الكاتب الصحفي والناشط السياسي محمد فتحي مفاجأة حينما أعلن أن سلاح الداخلية مسحوب منذ أحداث 24 أغسطس قائلا : ممكن نوقف اللي بيحصل في محمد محمود ازاي؟.ببساطة، وبكلمة واحدة: ارجعوا. دش مش المعركة اللي نخسر فيها دم جديد والوضع مرتبك وانتو عارفين.
وقال فتحي : لغاية 12 بالليل امبارح في مكان الأحداث كان فيه أطفال وعيال صغيرين بيحدفوا طوب .. مين دول ؟؟ والمولوتوف بتاع مين وجه ازاي بالكميات دي؟؟ .. مشيرا إلي أن : في وسط كل ده بتنتشرإشاعات زي إشاعة ان قناص العيون خد براءة.. عيب اننا نروجها .. الواد لسة محاكمته شغالة وجلسته أول ديسمبر.بلاش ننقل بدون علم.
وأضاف فتحي : الخرطوش مع مين؟والمسكين اللي مات بطلق ناري مين ضربه؟.أنا مصدق ان الداخلية ما ضربتش رصاص حي المرة دي.لو استخدموه كانت بقت مجزرة.خونوني بقى.
وأشار إلي أنه : لو تم اعتقال اللي بييرمي مولوتوف فعلاً،واللي بيرقصوا بسنج ومطاوي،واللي معاهم سلاح في محمد محمود فعلاً.هيطلع اللي يحولهم لأبطال.حرام والله.
وأردف: مين اللي ضرب جيكا بالنار؟.لو راجل قول.لو ما تعرفش اسكت.المعلومات مؤكدة.الشرطة ماضربتش المرة دي نار.هما ولاد كلب بس ما ضربوش نار وانت عارف ,, قائلا: تاني بقول..اللي بدأ هما ناس ما نعرفهمش مش الداخلية..واستخدام الغاز كان طبيعي..واللي بيرمي مولوتوف مش مننا ولا نعرفهم .. الحل الوحيد:ارجعوووا.
وأنهي كلامه قائلا : أنا موافق ان الداخلية معاها خرطوش..بس ممكن لو سمحت توافقني ان فيه ناس كمان معاها خرطوش وبتضرب بيه عند يوسف الجندي؟؟.