معز مسعود: اللي يتجوز واحدة مش متدينة يبقى "ديوث"

تداول نشطاء على مواقع التواصل الاجتماعي مقطعًا فيديو قديم للداعية معز مسعود يكشف فيه عن رأيه في مواصفات الزوجة الصالحة .
وقال "مسعود" في الفيديو الذي تم تداوله على نطاق واسع: "وأنت بتختار مراتك اخترها لعقلها .. شوف السيدة عائشة رضي الله عنها كان عقلها عامل ازاي مع النبي صلى الله عليه وسلم .. فاختار زوجتك لعقلها عشان تربي ولادك في مجتمع بقى مهم فيه أوي التربية".
وأضاف : "تلاقي واحد متدين يقولك أنا مش بدور على واحدة متدينة .. ولما تسأله ليه؟ .. يقولك أصل أنا عايز الجواز يبقى رومانسي ودة ناتج من الفهم الخاطيء إن أنا لو متدين مش هينفع أبقى رومانسي .. وتلاقيه لأنه اتفتن بشكل معين بيتشاف في السينما على طول فبقى يا حرام بيضحي بحتة الرجولة وإنه ميبقاش ديوث وإنه يبقى عايز مراته تبقى بتاعته هو بس بيضحي بيها عشان شهوة اسمها (أنا عايز يبقى معايا واحدة بطريقة رومانسية) فبقى يدور على واحدة مش متدينة .. والفهم دة خاطيء ".
وأردف: "الراجل بيختار الست على أساس دينها .. دة أساس وتحته فرعيات مهمة ومن غيرها اوعى تختار لأنك ممكن تضيع .. لكن الأساس هو الدين لكن فيه مظهر آخر من مظاهر الدين مرتبط بالمرأة أكثر من الرجل وهو الحشمة والحياء".
واستدرك: "الراجل وهو بيختار مش محتاجين نوصيه في حتة الجمال خالص بالذات في الزمن دة والمقاييس اللي عليت .. هو عايز جمال وبطريقة مبالغ فيها .. أنا عايز أقوله خف شوية لما الناس بقت سطحية وبقى الجمال كفاية .. فالبنات الجميلات بطلوا يشتغلوا على أخلاقهم".
وأعلن معز مسعود زواجه من الفنانة شيري عادل بعد اشتراكهما سويًا في مسلسل من إنتاج شركة يملكها الداعية الشهير.
الفيديو: