إبراهيم فايق: لدي فيديو محرج جدًا لرضا عبدالعال وسأنشره

كشف الإعلامي إبراهيم فايق - مقدم برنامج "الحريف" و "مصر في كأس العالم" - تفاصيل جديدة عن رهانه مع نجم الأهلي والزمالك السابق رضا عبد العال بخصوص ما حدث لمنتخب مصر بكأس العالم وخروجه من الدور الأول ب3 هزائم .
وقال "فايق" في مداخلة مع برنامج "مساء DMC" الذي تقدمه الإعلامية إيمان الحصري : "بعد أن مضيت على الرهان ب100 ألف جنيه أن منتخبنا سيتأهل للدور الثاني قمت بإحراق الورقة التي كتبت عليها الرهان مستغلا أن الكابتن رضا عبد العال لم يأخذ نسخة منها ".
وأضاف : "بعد ما مصر خسرت 3 ماتشات كلمني الكابتن رضا وقالي مش هاخد منك 100 ألف جنيه بس تطلع تقول رضا عبد العال أكتر واحد بيفهم كورة في مصر ".
وتابع : "لسة محققتش اللي هو طلبه بس مستنيه لما يبقى ضيفي تاني عشان أعمل كدة".
واستدرك : "على فكرة أنا اتراهنت مع كابتن رضا رهان قبل كدة وأنا اللي كسبته لكن محدش خد باله منه .. قولتله تراهني إن مصر هتصعد كأس العالم؟ .. قالي لا مش هتصعد ولا هتروح في حتة .. ومع ذلك مصر صعدت لكأس العالم .. الفيديو دة مسجل على الهوا وهروح أنشره دلوقت عشان تبقى واحدة قصاد واحدة".
وأردف: "لما كنت بستضيف رضا عبد العال قبل كدة كانت بعض النا بتقولي أنت ازاي بتستضيفه ؟ دة بيقول أراء مثيرة للجدل .. لكن بعد صدق نبوءته في كأس العالم .. فمصر كلها بقت بتسمع تحليلات رضا عبد العال".
الفيديو: