أكد الإعلامي عمرو أديب - مقدم برنامج "كل يوم" - أن هناك بعض الأشياء التي لفتت نظره في لقاء الرئيس عبد الفتاح السيسي مع نظيره الروسي فلاديمير بوتين ، بعيدًا عن مشروع الضبعة النووي . وقال "أديب" في برنامجه المذاع على قناة "ON E T" : "لو تسألني ايه أكتر حاجة وقفت قدامها في لقاء الرئيس مع بوتين فأنا وقفت قدام حاجتين ، الأولى هي المنطقة الصناعية اللي هيعملها الروس في مصر.. أنا أعشق الحكاية دي .. إنك تصنع وإنك تشغل .. لما تيجي تقولي إن فيه حد هيحط 7 مليار دولار في منطقة صناعية وهيبتدي ياخدك عنده كمان في منطقة تجارية .. هو دة الكلام ". وأضاف: "الحاجة التانية هي حرص الرئيس الروسي على إطلاع الرئيس السيسي على ما يحدث في سوريا .. وهذا أمر عظيم .. أنا دائمًا أحب بلدي أن تكون طرفًا فيما يحدث حولها .. أنا مبحبش البلد اللي ليس لها تأثير وليس لها وجود .. بوتين حرص إنه يقوله يا سيادة الرئيس احنا عملنا في سوريا كذا كذا كذا .. سواء متفقين مع اللي هما عملوه في سوريا أو مش متفقين دة أمر آخر إنما أن مصر موجودة في هذا الاتفاق ولها دور ما .. وأنا معرفش الدور دة .. لكن هي ليها دور". الفيديو: