مواطن ل"السيسى": عايز أتجوز سمية الخشاب وفيفى عبده وبرديس وصافينار

ناشد المواطن عزت سيد سعيد، المقيم بمحافظة بني سويف، الرئيس عبد الفتاح السيسي، بإعطائه حقه فى المال العام من ثروة مبارك قائلاً: "أنا بطالب بحقى فى المال العام من ثروة مبارك لأنه ظلمنى 30 سنة وظلم الشعب كله وسرق أموالنا كلها".
وأضاف خلال حديثه ل"المصريون": "بطلب حقي، اللى هو مبلغ مليار جنيه مصري، وأنا بقول للسيسي، أنا بقدم فى الطلب ده بقالى 5 سنين، وقدمته كمان فى عهد الرئيس مرسي، وكل ما أقدم الطلب بيتم التحفظ عليه وخلى عندك ضمير يا ريس وهاتلى حقي".
كما قال: "لما أحصل على المبلغ هابنى مسجد لله وهاساعد الغلابة والمساكين، وأشترى جرار زراعى أعمل بيه مشروع، وكمان عايز أتجوز سمية الخشاب وفيفى عبده وبرديس وصافينار، لأن الشرع حللى أربعة ومفيش طلاق، والمبلغ اللى هايجيلى ده، يطلع من البنك المركزى ويعدوهم بضمير ويتحولى على البنك الأهلي".