رسالة عمرو أديب إلى الزمالكاوية

قام الإعلامى عمرو أديب بتهنئة النادى الأهلى على فوزه على في القمة ال 114 بينه وبين نادى الزمالك.
وقال "أديب" تعليقا على هزيمة نادى الزمالك بهدفين مقابل لاشىء: "إخوانى فى نادى الزمالك.. هارد لك.. البقية فى حياتكم.. كما عودتكم ينضم هذا الفيديو إلى المجموعة الذهبية بتاعتى، يمكن دا الفيديو ال15 فى الهزيمة ال 15 للزمالك من أول ما ابتديت أشتغل فى الإعلام، جمعوا فيديوهاتى فى ألبوم واحد وهتشوفوا إنى بقول نفس الكلام".
وتابع "أديب"، خلال تقديمه برنامج "كل يوم"، على فضائية "ON E": "بفكر جدياً إن هنا فى لندن يكون فيه دكتور يقدر يعملى السويتش ده، فيه حاجة أكيد فى جسم البنى آدم تخليه يتحول من زمالكاوى لأهلاوى، وأقعد كده اتفرج على وليد سليمان وأجاى، وأقول لمحمود طاهر إيه الجمال ده، ومبروك للنادى الأهلى، وكل الحواديت دى، هنا يعملولى العملية البسيطة دى وخلاص".
وأضاف أديب: "لاعبو الأهلى اللى قاعدين على الدكة برة يبوسوا تراب الملعب ويلعبوا، مش قاعدين مستنيين هتدفعلنا كام، أى واحد منهم لو انتقل لأى فريق هياخد فلوس أد كده، بره أو جوه، بس دول يبوسوا تراب مختار التتش ويلعبوا، وهى دى الروح اللى بيقولوا عليها دايما، روح الفانلة الحمرا".