تداول نشطاء مواقع التواصل الاجتماعي، فيديو ذكروا أنه لأمين شرطة مكلف بحراسة إحدى المدارس التي تُعقد بها امتحانات الثانوية العامة بحي المرج، وهو يقوم بالاعتداء على أحد أولياء الأمور بالضرب والسباب، واجتذابه داخل المدرسة عنوة حتى يقوم بالاعتداء عليه. وذكرت إحدى متداولي الفيديو عبر حسابها الشخصي قائلة: "الراجل اللي في الصورة والفيديو ده أمين شرطة من اللي بيأمنوا المدارس في امتحانات الثانوية العامة.. البنات خلصوا امتحان وخرجوا وأهاليهم مستنياهم علي باب المدرسة وشوية واقفين في مدخل المدرسة عند الباب مستنيين ولادهم راح الراجل ده قعد يقول يلا أخرجوا برا بدل ما أفطر عليكوا يلا يا ولاد كذا وولاد كذا بأقذر الشتايم اللي شبهه ويقول أنا أمين شرطه يا ولاد... اللي هتتكلم هخليها هي وأبوها ييجو يبوسو رجلى". وتابعت: "ولي أمر بيقوله أنت بتشتم كده في رمضان إزاى راح شده من هدومه اللي في الفيديو اللي تحت ده وخده جوه المدرسة وقعد يضرب فيه بكل بلطجة وبعدين طالع طايح بقي في الناس الكلام ده أول إمبارح في امتحان الكيميا وعلم النفس المدرسة اسمها غريب جلال تبع إدارة المرج". شاهد الفيديو: