بالفيديو.. سيدة لأمين شرطة: "أنت قليل الأدب".. وشاهد: "كان بيتحرش بيها"

نشر وائل عباس الناشط السياسي، عبر حسابه الشخصي على موقع التواصل الاجتماعي "فيسبوك"، مقطع فيديو لسيدة تتهم أمين شرطة بالمعادي بالتحرش بها، بينما دافع الأخير عن نفسه قائلًا: "اعتدت على قوة أمن البنك".
وأظهر الفيديو الذي حمل عنوان "ياسمين نرش جديدة في المعادي.. الشرطة واستخدام الفيديو في التلفيق"، غضب السيدة من أمين شرطة، قائلة له: "يا راجل حرام عليك، أنا مكلمتهوش، يا راجل ربنا ينتقم منك، إنت قليل الأدب، أنا مليش دعوة بيه، أنا كنت واقفة مستنية تاكسي، ومعرفش البنك اللي بتقول عليه ده، مضيف: "كنت طالع ماشي ورايا ليه.. أنا موقفتش عند البنك المصري بتاعك.. أنا معرفوش".
وقال "عباس" إن الفيديو جاء كمرفق في رسالة على بريده، يوضح سيدة تقول إن أحد أفراد الأمن تحرش بها بشارع اللاسلكي في منطقة المعادي، وقام زميله باتهامها بأنها من بدأت بالاعتداء عليه أولًا. بينما قام زميله بتصوريها أثناء دفاعها عن نفسها وتوضيحها لما حدث بينها وبين أمين الشرطة.
وقال صاحب الرسالة لوائل عباس، بصفته شاهد عيان: "هحكيلك موقف حصل امبارح بليل في المعادي عالساعة واحدة، كنا واقفين في شارع اللاسلكي و لقينا واحدة بتصرخ ،بنشوف في ايه لقينا واحدة ماسكة في امين شرطة و هو بيشلت فيها، رحنا حشنا و من كلامها ان الأمين كان بيتحرش بيها ولما زعقت ضربها، المهم وصلت عربية ملاكي نزل منها ضابط، وقف دقيقة وبصلها، وطلع اللاسلكي وقال فية " واحدة اعتدت على أمن البنك يا فندم أثناء فترة الحراسة".. الست قعدت تقولوا حرام عليك دة كان بيضربني، راح قايل للأمين الموبايل بسرعة من العربية، الأمين جاب الموبايل، وراح الضابط سايب الست، وفتح الفيديو كاميرا وقعد يصورها!! مش عارف لية؟، المهم صورتة و هو بيصورها و سايبها بتهاتي" .