أبو عرايس: كل اللي اتهمنا بيه مرسي .. النظام الحالي بيعمله

انتقد سامح أبو عرايس - رئيس حملة "أبناء مبارك" - موافقة البرلمان على التنازل على جزيرتي تيران وصنافير ، مؤكدًا أن النظام الحالي ينفذ كل المخاوف التي كانت تراود الشعب بخصوص الرئيس الأسبق مرسي .
وقال أبو عرايس في تدوينة : "كنا خايفين إن مرسي يتنازل عن جزء من سيناء" .. مشيرًا إلى أن النظام الحالي: "بيتنازل عن تيران وصنافير ".
وأضاف: "كنا خايفين إن مرسي يغرق مصر بالديون وينفذ أجندة صندوق النقد الدولي بخفض العملة وإلغاء الدعم" .. مؤكدًا أن النظام الحالي: " نفذ كل ده وأغرق مصر بالقروض الخارجية ووصل الدولار لعشرين جنيه وبيلغي الدعم وعايز يبيع المستشفيات الحكومية كمان وكل أجندة صندوق النقد الدولي بينفذها بالحرف".
وأردف: "كنا بنقول إن مرسي والإخوان هيقمعوا أي شخص يعارضهم ويعملوا فاشية باسم الدين ويبقى اللي بيعارضهم ضد الدين" ، مستدركًا أن النظام الحالي: "ومؤيدينه حولوا البلد إلى فاشية باسم الوطنية واللي يعارض يبقى يبقى خائن ويتشتم من الإعلام واللجان الإليكترونية وممكن يختفي قسريا أو يعتقل أو يتصفى في الشارع" حسب زعمه.
واستدرك : "الحقيقة ان النظام الحالي بيعمل أبشع بكثير من اللي كنا خايفين إن ال‘خوان يعملوه .. علما بأن أغلب اللي هاجمنا مرسي علشانه كانت مخاوف وتوقعات يعني ماشفناش مرسي بيتنازل عن أرض فعليا مثلا وماشفناش زي اللي حصل في رابعة والنهضة وغيرها وماشفناش اختفاء قسري .. علشان كده حاسس فعلا إننا ظلمنا مرسي والإخوان .. احنا آسفين يا مرسي" حسب تعبيره.