"أبو عرايس": النظام أصبح حليفًا إسرائيليًا يحارب الإسلاميين

استنكر مدير حملة أبناء مبارك ما يحدث من النظام الحالى تجاه الإسلاميين والعداء الذى أصبح يهدد حياة التيار الإسلامى بأكمله.
أضاف "أبو عرايس"، فى تدوينة له عبر موقع التواصل الاجتماعى "فيس بوك": "باتخيل واحد من شهداء حرب أكتوبر رجع للحياة في عهدنا الحالي وقابل سيساوي : مين اللي بيحكم مصر دلوقت ؟ ده المشير السيسي بطل عظيم وزعيم أنقذ مصر، - بطل عظيم وزعيم ؟ يبقى أكيد انتصر على اسرائيل وحرر القدس أخيرًا".
وتابع: "لا.. إسرائيل ايه وقدس ايه.. ده انتصر على الاخوان انتصر على الاخوان؟ طيب وبالنسبة لاسرائيل واليهود يعني؟ لا.. دول شركاء في معركتنا على الارهاب وبيساعدوا السيسي في الحرب على الارهاب في سيناء.. وكل فترة بيقابل رموز اليهود في العالم".
واستطرد: "طيب ومين اللي السيسي بيكرمهم دول ؟ دول أهالي الشهداء، اه .. أكيد شهداء ماتوا في الحرب ضد اسرائيل ماتوا وهم بيحاربوا اليهود، لا .. دول شهداء في الحرب على الارهاب .. ماتوا وهم بيحاربوا الاسلاميين، يعني دلوقت الجيش المصري بقى بيحارب الاسلاميين اللي كانوا بيحاربوا معانا في حرب أكتوبر .. وبقى يعتبرهم أعداء .. وبيحارب بمساعدة اسرائيل اللي كنا بنحاربهم؟".
وأضاف: بالضبط كده .. بس دي لسه البداية .. لسه المعركة الأكبر اللي السيسي هينتصر فيها، أكيد بقى دي الحرب ضد اسرائيل وضد الاستعمار ، اسرائيل ايه واستعمار ايه ؟ انت دقة قديمة قوي يا أستاذ .. أنا أقصد معركة السيسي لتطوير الخطاب الديني والثورة الدينية، ودي معركة ضد مين دي كمان ؟؟ معركة ضد الأزهر.
وتابع: يعني دلوقت حاكم مصر معركته مع الأزهر .. والجيش المصري بقى عدوه التيار الاسلامي .. واسرائيل خلاص بقت حليف ؟، بالضبط كده، أنا غلطان اني رجعت الزمن ده .. يا خسارة الشهداء اللي راحوا في حرب أكتوبر .. أنا كده عرفت ان اسرائيل خلاص انتصرت !!