بالصور.. دعوات كنسية لاحتشام الفتيات في أعياد القيامة

تناقلت بعض صفحات التواصل الاجتماعي توجيهات تدعو الفتيات للاحتشام في عيد القيامة مع التشديد علي منع ارتداء الجيب القصير" المينى جيب"، والالتزام في " الماكياج" وعدم المغالاة فيه.
ورافق الدعوات توصية من الأنبا" يا خوميوس" التي تؤكدا أن الفتاة التي لن تلتزم في ملابسها غير مرحب بها في الكبيسة.
وجاء في التنبهات" معلش رجاء محبة لكل اللي هايحضروا قداس ليلة العيد ياريت مايلبسوش اللبس الضيق والقصير والملفت للنظر ولا يحطوا كمية الميكب العجيبة اللى بنشوفها فى المناسبات وده لأسباب كتيرة..
1- احتراما لبيت ربنا
2-الشرطة هى اللى هتكون بتأمن الكنيسة وكمان هتتفرج على بنات الكنيسة وده شوفناه كتييير آوى للأسف
3-أحنا المفروض أننا فى فترة حداد على شهداء كنيستنا فيا ريت نحترم ده وبلاش لبس ومكياج ملفت للنظر وكمان يسبب عثرة للغير
4-احنا جسمنا مش رخيص احنا بنات المسيح وجسدنا غالى جدآ لأننا بناخد جسد ودم المسيح فياريت متخلوش حد يتفرج علينا ولا يتريق علينا ولا يستهزء بينا وبدينا وبكنيستنا وتعاليمنا المسيحية .
من الآخر حبيبتي انتى بنت الملك وغالية آوى علية و أكيد هيغير الملك على بنته لو شاف حد بيبصلها،
احفظى نفسك كجوهرة غالية ثمينة لأنك فعلا كده
وكل سنة واحنا كلنا طيبين وياريت محدش يزعل من كلامى ده محبة من اخت لأخواته
توصية من سيدنا الأنبا باخوميوس النهاردة في البصخة ...
البنت اللي مش ح تلبس لبس لائق ليلة العيد تخليها في بيتها أحسن
واللبس يكون مناسب لتلقى عزاء مش لبس فرح ... مجموعة الكشافة حتحرج حضرتك وحتقولك اسفين جدا مش حانقدر ندخل حضرتك الكنيسة، احنا بنبه من دلوقتى عشان محدش يزعل ، الجيب اللي فوق الركبة لو سمحتم بلاش شكلكم بجد بيكون مستفز جدا جدا جدا".