بالصور.. مواطنة: "عالجولي بنتي.. نفسي اسمع كلمة ماما"

"بنتي بتتوجع ومش قادرة اعملها حاجة، نفسي اسمع كلمة ماما، عالجوها لي الله يكرمكوا، ربنا ما يحرمكوا من كلمة ماما زيي".. بتلك الكلمات بدأت حديثها "غادة"، أم طفلة مريضة تعاني من ضمور في المخ، ونقص أكسجين، وضمور الأعصاب؛ بسبب الإهمال الطبي الذي تعرضت له منذ ولدتها في مستشفي الجلاء.
وقالت "غادة" ل"المصريون": "ياسمين بنتي الوحيدة المرض حرمني من أني اسمع كلمة ماما منها وعجزت عن علاجها بسبب ضيق الحال والظروف الصعبة التي أعاني منها أنا وجوزي اللي شغال "أرزقي" يوم اه وثلاثة لأ".
وتابعت: "ياسمين اتولدت بنت 8 شهور في مستشفي الجلاء وكان لازم تتدخل الحضانة لأنها كان عندها نقص أكسجين في المخ وقتها بسبب ولادتها قبل معادها وبعد مرور سنين لحظت أن في شيء غريب وإنها مش بتتكلم ولها نظرات غريبة جدها عرضها علي الدكتور وعملها إشاعات واكتشفنا أنها عندها ضمور ونقص أكسجين في المخ بسبب عدم دخولها الحضانة بعد ولادتها والمستشفي ضحكت علينا ومدخلتهاش حضانة".
واستكملت حديثها باكيةً: "ياريت حد يعالجها ويحقق حلمي في أن اسمع كلمة ماما منها ده كل اللي يتمنها من الدنيا، وتابعت أوقات كتير بتكون تعبنا وبتتوجع ومش بعرف أساعدها لأنها مش بتقدر تقول هي فيها أي حاجة بسبب عدم نطقها وعنيها مليئة بالدموع وملامح الحزن تكسو علي وجها" عالجوها لي الله يكرموا ويخلي أولادكوا ومش تتحرموا من كلمة ماما زي".
شاهد الصور..