بالفيديو.. جار السيسى: "مش هنتخبك تاني"

قال مواطن يدعى محيي أبو المي أحمد، مبلط محارة، عن أسوأ ما حدث له في سنة 2016: "مع الأسف الشديد أسوأ حاجة حصلتي إني مرمي في الشارع ومفيش مكان أعيش فيه بعد أن كنت جارًا لرئيس الجهمورية عبد الفتاح السيسى".
وتابع: "قام المواطن محمد فتح الله بالتآمر عليا هو ومواطن آخر لديه نفوذ وسلطة في الدولة وسارقا محتويات شقتي وبعد ذلك تم التعامل معي كأنني إرهابي".
ووجه محيي رسالة للرئيس عبد الفتاح السيسي قائلا: "يا ريس أنت قولت إننا نور عينيك نور عينيك أصبح مرمي في الشارع" وتابع: "أنت بتهتم بالشأن الخارجي وسايب الشأن الداخلي اللي المفروض تهتم بيه وبالمواطن الغلبان لأنك رمز من رموز الدولة مينفعش البلد تكون في حالة فوضي وإهمال كدة وده عيب في حقك لأنك أقسم قدام المحكمة إنك تراعي مصالح الشعب".
وأضاف: "الحكومة الموجودة لازم تتغير لأنها حكومة فاشلة ومعملتش أي حاجة من وقت ما جت ولم تراع مصالح الشعب"، وتابع: مصر أم الحضارة إزاي يحصل فيها أزمة سكر دي مؤامرة علي مصر وفي خالية نايمة بتهدد مصر".
وفي آخر حديثة وجه محيي كلمة أخيرة للرئيس عبد الفتاح السيسي قائلا: "إحنا مش جايبينك مقاول ولا مهندس عشان تملي البلد كباري وسايب أهلك وناسك ميتين من الجوع ومرمين في الشارع والبلد مليانة بالمتسولين والبلطجية"، متابعًا: "اوعى تفكر إن البلد مفيهاش غيرك لا مصر ولادة بأهلها وناسها مرددًا لو أترشحت مرة تانيه مش هنتخبك لأنك لم تراع مصالحي ومصالح الشعب وأنت راعي وكل راعي مسئول عن راعية وأنت معملتش كدة مش مهم مين يمسك البلد المهم نعرف نعيش بكرمتنا مرددًا حتي لو جمال مبارك نزل في الانتخابات المراحلة الجاية هننتخبه عشان نفسنا حد يحترمنا ويحافظ علينا.
شاهد الصور..
شاهد الفيديو...