علق مستخدمو مواقع التواصل الاجتماعي "فيسبوك، تويتر"، هاشتاج #محدش_نزل، ساخرون من عدم استجابة أحد لدعوات 11 نوفمبر، التي أطلقت تحت شعار «ثورة الغلابة»، ولكنها أصبحت "فارغة". وسخر كثيرون من دعوات 11 نوفمبر ب :" في 90 مليون مصري مشغلين التليفزيون وقاعدين ومتابعين على السوشيال ميديا مستنين نفس ال 90 مليون ينزلوا والشوارع فاضية". وعلق أخر: "واضح أن القناة اللي جاي عليها الثورة مشفرة، محدش شاف الشعب يا جدعان أصله كان بيقول انه عامل ثورة وهينزل 11/11". وأضاف أخر بسخرية على من انطلقوا إلى مدينة الملاهي "دريم بارك"، حيث كانت الأعداد هناك غير متوقعة ب " هننزل هننزل وفي الأخر طلعتوا نازلين دريم بارك مش تقولوا كنا وزعنا تذاكر مجانية للثوار عشان يتمرجحوا ويثورو". وقال أخر: "يا جماعة كفاية رخامة اللي مخبي الثورة يطلعها". وسخر أخر على طريقة الشباب ب :" هو حد عمل المظاهرات النهاردة silent.. جايز تكون شغالة بس إحنا مش واخدين بالنا". وكانت هناك دعوات للخروج والتظاهر في جمعة الغلابة للتنديد بغلاء الأسعار والقرارات الاقتصادية الأخيرة للحكومة برئاسة شريف إسماعيل.