شعبان عبد الرحيم ينفي شائعة زواجه

نفي الفنان الشعبي شعبان عبد الرحيم، شائعة زواجه من امرأة كويتية، لافتًا إلى أنها إحدى معجباته وأنه لم يتزوجها، بل أن الصور التي تم تداولها عبر الفيس بوك وهي تُطعمه كيكة عيد ميلاد ابنتها، تمت في الوقت الذي كان يحتفل فيه بعيد ميلاد فتاة بسيطة أخرى.
وقال عبد الرحيم «كنت عامل عيد ميلاد بنت غلبانة كده في كافيه، والست دي، وهما ناس من الكويت، سألوني بالتليفون إنت بتسهر فين علشان نييجي نتفرج عليك، قولتلهم أنا هعمل عيد ميلاد في كافيه اسمه كذا فجم، والست دي كانت بتعمل عيد ميلاد بنتها برضو».
وتابع: «مقطعين تورتة ووسط الكلام فرحانين بيا إن أنا مطرب بقى وشعبان عبدالرحيم، فقطعت التورتة وأكلتني بالشوكة علشان إيدي مش قادرة تمسك حاجة، فالواد المصوّراتي واقف لقط الصورة، أنا من ضمن الهزار وهما ضيوف عندنا أكلتها حتة بإيدي التانية عادي يعني، وطلّعوا إشاعة والست دي متجوزة وعندها عيال، وكل يوم بتكلمني تترجاني وتعيط وتقولي كذّب الإشاعة».