مسجل خطر: "هسرق وأقتل لو محدش فتحلى كشك"

بالفيديو ..

"مش عايز أرجع للسجن تأنى وضاق بى الحال، مش قادر أكل عيالى ومراتى ولا أدخل بنتى الحضانة بسبب الفقر ومش قادر على المصاريف وارتفاع الأسعار".
بهذه الكلمات بدأ السيد عبد الهادى عمر، عاطل والذى يبلغ من العمر 38 عامًا, حديثه لعدسة "المصريون "، بعد ما ضاقت به الدنيا ومنذ 8 سنوات وهو يعانى من الفقر والحاجة، على حد قوله.
وروى السيد ل"المصريون" قائلاً: "لما خرجت من السجن بعد 8 سنوات فى سجن وادى النطرون فى قضية سرقة بالإكراه, وأصبحت "مسجل خطر", حتى الآن لم أفعل حاجة غلط أعاقب عليها وماشى جنب الحيطة وماخدتش محضر تحرى واحد".
وأضاف، لا يوجد عندى أى دخل أو مصدر رزق إلا أنني أقوم بتجميع البلاستيكيات من الشوارع لبيعها مقابل مبلغ مالى بسيط أصرف بيه على أولادى، وقال سيد فى حالة من الحزن: "أنا بس نفسى أى حد من الناس اللى تسمعنى أو أى حد من المسئولين يساعدنى ويفتحلى كشك أو أحد من المسئولين يساعدنى ويعملى معاش، مطالبًا رئيس حى شبرا الخيمة ومحافظ القليوبية، بتوفير كشك له لعله يجد مصدر رزق يوفر له ولأسرته عيشة كريمة حتى يتمكن من تربية أولاده تربية حسنة ليجد فى تعليمهم ثمرة كفاح كان يحلم بها لنفسه.
وتابع قائلا أنا "معايا جواب من سجن وادى النطرون بعجز فى يدى واحتاج إلى عمليه جراحيه ممكن تؤدى إلى "بتر " وما فيش أى حد راضى يساعدنى .
مشيرا إلى أن لدية ثلاث أطفال وابنه الأصغر مريض مش عارف أعالجه ولا قادر ادخل بنتى الحضانة عشان الظروف إل بمر بيها .
ونوه سيد فى حدثيه قائلا " لو محدش ساعدنى أنا ممكن اعمل أى حاجه حرام ممكن اسرق أو اقتل عشان أكل عيالى " .
وقالت زوجت سيد "أنا كنت بنزل امسح البيوت عشان أساعد فى المعيشة " ولكن منذ أن رزقنى الله أخر مولود لم اعد اقدر على الشغل بسبب ابنى الصغير الذى يحتاج إلى رعاية نتيجة المرض الذى يعانى منه.
شاهد الفيديو..