التفاصيل الكاملة لاغتصاب فتاة فى نهار رمضان

ببنها..

"أنا مش عايزة أي بنت تتعرض للى اتعرضت له".. وأنا طالبة العدل ومش عايزة حاجة تانية، أول عبارات "هاجر"البالغة من 24 سنة ببنها في محافظة القليوبية في حديثها ل"المصريون" مؤكدة، أنا عندى أربعة أطفال" زينب 7 سنوات، رقية 6 سنوات، محمد 3 سنوات، سميرة سنة وأربع شهور.
وأضافت : اللي حصل أنى كنت رايحة الشغل وقمت باستوقاف سيارة في طريقى لمنطقة الإشارة ببنها، وكان في شخص راكب في الكرسي الأمامي وأنا بركب فوجئت بشخص من علي يمينى وآخر من علي يساري قاما بوضع "مطواة" في جنبي، وعندما طلبت منهم أن أنزل من السيارة قاموا بالتعدى علي بالضرب في وجهي وفي جسمى وواحد منهم قال لي لو ما سكتيش هقتلك وهيتم أولادك.
وتابعت أنهم قاموا بتكتيفي وأغلقوا فمي لحد ما أخذونى في مكان خرابة معرفهوش، وقاموا بالتعدى علي بالضرب وكتفوفنى بشدة، ونزلت علي قدم واحد فيهم أقبلها علشان يرحمنى لكن مفيش حد فيهم رضي يرحمنى، وقاموا باغتصابي وكل واحد فيهم كان بيمسكنى للتاني، كان شىء صعب مفيش حد يتخيله، والسواق كان واقف يتفرج عليهم وأنا بصرخ واستغيث.
وأوضحت، مفيش حد رحمنى منهم وأنا بابكي وباصرخ وهما ولا كاني هنا، ويقولوا لي إحنا عايزين نريح نفسنا إحنا تعبانين وفضلوا يقولوا كلام ملوش لازمة وقاموا بسبّي بألفاظ لا يتخيلها أحد.
وأشاروا إلي أنهم قاموا بكتيفي بدافع التخلص ، وأنا سكت لأنهم كانوا هيقتلونى خلاص، اثنين منهم خافوا وقالوا خلاص هنمشيها، وقام شخص منهم بإعطائي رقم هاتفه دون أن يعلم الآخرين، وقال لي أي حاجة انتى عايزاها رنّى علي، وسألته عن اسمه رفض وسألته علي أسماء أصحابه قال لي بلاش تسألي عليهم علشان لو فكرتي تعملي حاجة هنقتلك بالمطواة وأنتى ماشية في أي مكان.
وأضافت أنها توجهت بعد ذلك لمحل عملها وقامت بتغيير ملابسها الممزقة وارتدت ملابس أخري ثم توجهت لقسم الشرطة وقامت بإبلاغ ضابط المباحث، حيث اعترفت أنها تعرضت لواقعة اغتصاب وقام ضابط المباحث بإرسال معها قوة من الشرطة لمعاينة مكان الواقعة وبالفعل وجدوا هناك ملابس عملها التى كانت معها أثناء الواقعة، وبعد ذلك قامت بالاتصال بالشخص الذي أعطاني رقم تليفونه وشغلت الميك علشان المباحث تسمع المكالمة، وفعلا رد علي وسألته مين معايا قال أنا " أحمد" وأنتى مين قلت له أنا هاجر التى قمتم باغتصابها قال آه أنا فاكر، فقلت له ينفع يا أحمد اللى حصل ده، قال لي أنا مش عارف عملنا ليه كده، وحقك علينا وإحنا آسفين واعتبري إن مفيش حاجة حصلت.
كما سألته: هما أصحابك يعرفوني قال لأ مش عارفينك، كل ده والمباحث سامعة المكالمة، وطلبت منه أن أقابله فقال لي نتقابل بعد الإفطار، وبالفعل نزلت ورحت له بعد ما رتب معي ضباط المباحث لعمل كمين له ونزله معايا وأنا رحت له عند محل الملابس بتاعه وطلبت منه الخروج لنتحدث وعند خروجه قاموا بإلقاء القبض عليه، وأخذه للقسم وقالوا له أنت عارف أنت هنا ليه قال آه بسبب الست اللي اغتصبناها واعترف بدون أي ضغط عليه واعترف علي الأشخاص الآخرين اللي كانوا معاه.
وأكدت هاجر، أن كل ما تعرضت له هو بسبب زوجها قائلة" حسبي الله ونعم الوكيل" انا كنت مسيحية وزوجي كان جاري وكان عايز يدخل الدين المسيحي ولكن انا قلت له في حد يسيب دين الإسلام، وأنا نفسي أدخل الدين الإسلامي علي اقتناع بعد أن أظهر الله لي علامات كثيرة كويسة وأشهرت إسلامي في الأزهر، وتزوجت منه وذهبنا للعيش فى وادى النطرون ولكن هو مكنشي بيشتغل وأنا كنت بصرف عليه وكان بيجيب الرجالة فى البيت عندنا يشربوا والكل كان طمعان فيا وزوجي كان عايز يسرحنى انا كمان، وخلانى عملت مشروع وسرقنى.
وأضافت أنه عندما كنت أطلب منه أن يبعد عن هؤلاء الأشخاص ويمنع دخولهم البيت كان بيضربنى وعندما طلبت منه الطلاق قام بالاتصال بأهالي المسحيين وقال لهم تعالوا خدوا بنتكم وسيبولي أولادى ولا أقول لكم خدوهم أنا كدا كدا عندى أولاد غيرهم كثير، وهربت من البيت لأنه مش عايز يتغير أو يكون إنسان كويس، ولدرجة إن الناس كانوا بيضربونى وضربوا بنتى الطفلة ودخلت المستشفي فى حالة خطيرة .
وتابعت أنه كان بيجب واحدة اسمها " آية" تاجرة مخدرات وطلب منى أن اشتغل معاها لكنى رفضت أن أمشي في الحرام، وسيبت البيت وهربت علشان أعرف أربي أولادى في مكان آمان وبفلوس حلال.
وأشارت إلي أن لديها منزل في وادى النطرون ولكنها لا تستطيع أن تعيش فيه أو تسكنه بسبب شخص يدعي"محمود،ع،ح" طلب منها الزواج وهي متزوجة مقابل أن يعيد لها منزلها وعندما رفضت ظل يطاردها في كل مكان، وقام ببيع منزلها بدون علمها بأوراق مزورة ولا أخذت حقها.
وتساءلت أروح فين واعمل إيه أنا الناس مش سيبانى في حالي والكل طمعان فيّ ومفيش معايا فلوس وأنا بجيب إيجار شقتى بالعافية ومعايا أربعة أطفال أنا مش عارفة أعلم أولادى كويس بنتى خرجت من المدرسة والثانية مش عارفه أقدم لها وربنا الوحيد اللي يعلم بيه، أنا بشتغل ب 40 جنيهًا في اليوم والطفل الواحد مصاريفه 100 جنيه في اليوم وأنا بشتغل طول اليوم وإذا جاتلي شقة امسحها وانظفها آخر اليوم قبل مابروح وأوقات برجع الساعة 3 فجرًا من الشغل علشان أخلي أطفالي مش محتاجين حاجة.