جدل على الفيسبوك بسبب جملة قالها السيسي

ثار خلاف على موقع التواصل الاجتماعي بين مؤيدي الرئيس عبد الفتاح السيسي ومعارضيه ، على خلفية جزئية ذكرها في حواره أمس مع الإعلامي أسامة كمال .
و قال "السيسي" ل"كمال" تعليقًا على الحريات في مصر : "مقدرش أمنع حد يقول رأيه" .. فسأله "كمال" : "يعني اللي هيتكلم مش هيتقبض عليه والشرطة هتجيبه والكلام دة" .. فعلق السيسي ضاحكًا : " يعني هتجيب ال90 مليون؟ دة ال90 مليون بيتكلموا أصلًا " .
و برر معارضون كلمة السيسي بأنه يعلم بأن ال90 مليون ضده بحسب مزاعمهم ، حيث قال أحدهم ساخرًا : "الاعتراف بالحق فضيلة" ، بينما قال آخر : "مقلناش حاجة من عندنا ، أنت ما شاء الله فهمتها وقلتها لوحدك" ، وقال ثالث: "كويس أنه عارف أنه ميقدرش يقبض ع ال 90 مليون كلهم وإلا تبقا مصيبة".
فيما دافع مؤيدو "الرئيس" عن حواره ، حيث قال أحدهم : "هو الحقيقة يقصد أن ال 90 ميليون بيتكلموا في السياسة وهي إشارة واضحة لحرية التعبير.. لكن طبعا انا مقدر ان حبوب المفهومية ناقصة في الصيدليات ف مش حلوم عليكم" ، وقال آخر: "
أنا ضد التساهل مع الخارجين عن القانون .. لو سمحت يا ريس كده غلط،، رجاءً ما تديش فرصة للفوضى من تاني لانه احنا لسة بنعاني من الفوضى بتاعت 2011 .. اضرب بيد من حديد ولا ترحم كل من يخرج عن القانون" .. وقال ثالث: "البلد مش هتنجح الا لما نحترم بعض والرئيس السيسي محترم جدا وعيب لما نتريق عليه" بحسب ارائهم.
الفيديو: