مش كفاية

مش كفاية ضرب فينا وذل لينا وبهدلة.. مش كفاية اغتصاب أرض وهتك عرض ومهزلة.. مش كفاية قتل طفل يتيم هدومه مهلهلة.. مش كفاية نعيش ونشحت من سعاد ومدللة.. مش كفاية نمشى خطوة بعد خطوة بذل وهرجلة.. مش كفاية هدم بيوت ومدارس وتشريد آلاف.. مش كفاية قتل فرحة قلب فى يوم زفاف.. مش كفاية قلع أشجار الزيتون بإيدين نفوس ضعاف.. مش كفاية قلع نخيل وموز قبل ما يرمى الغلاف.. مش كفاية قتل عجوز وعاجز على حد الكفاف.. طول ما إحنا فى القرار وف الحوار متفرقين.. طول ما إحنا ع السيجار وع الدولار متلهفين.. طول ما إحنا م الأمانة والضمير متحللين.. يبقى مش لازم نفكر لا فى غزة ولا فى جنين.. ولا يوم ناخد بتارنا فى دير ياسين.
منصور غمرى أبوخشبة
سد خميس - سيدى سالم - كفر الشيخ