ازرع كل الأرض سنابل

ازرع كل الأرض سنابل خلى هدفنا رغيف العيش
خلى رغيفك زى المدفع خليه زى عساكر الجيش
خلى رغيفك درع فى إيدك درع اللقمة زيه مافيش
وابنى مزارع وابنى صوامع لاجل الأمن القومى يعيش
نفذ خطط «الليثى» وعلمه أصل القمح بيجرى فى دمه
اللى يأمن لقمة عيشه فى أى مجاعة ميوطيش
ازرع كل الأرض سواقى وابذر كل الأرض شعير
خلى سحاب الرزق يمطر خليه يملى غيطانك خير
خلى الميه فى أرضك تجرى واحفر مليون نهر كبير
فوق من نومك وابدأ يومك أرضك فيها رزق كتير
واخلق ألف هدف لحياتك حاول مرة تحقق ذاتك
خليك مؤمن إن حياتك لازم تبدأ بالتغيير
ازرع كل الأرض سنابل قبل ما تزرع منتجعات
ازرع كل الأرض مراوى قبل ما تزرعها عمارات
خلى غيطان القمح تخضر قبل الجولف عشر مرات
مش هايفيدك قصر كبير لما تجوع ولا منتزهات
هد مارينا وابنى قناطر خليك جد وخليك شاطر
الجوع أصله يهودى وكافر أصعب من قرص الحيات
ازرع كل الأرض سنابل قبل الورد فى شرم الشيخ
وازرع سينا ترع ومصارف وازرع فيها كمان صواريخ
وافتح ألف طريق للميه من أسوان إلى كفر الشيخ=
الناس من فقرها للميه طالعة تدور فى المريخ
مد الميه لكل مكان خلى سنابل القمح تبان
ولما تشوف «عمرو الليثى» اشكيله وقول له سياسة مصر طبيخ
sayedelhamshary@gmail.com