«جوزها كان بيشتمها وبيشك فيها.. وكانت عايزة تتطلق».. صديقة ضحية «جريمة الهرم» تكشف للنيابة تفاصيل الأيام الأخيرة قبل المأساة (انفراد)

تنفرد «المصري اليوم»، بنشر النص الكامل لأقوال «مريم مصطفى عبدالمجيد»، صديقة «زيزي.م» ضحية جريمة الهرم في الجيزة، التي نالت اهتمام الرأي العام، بعد العثور على أطفالها مقتولين داخل مدخل عقار بمنطقة اللبيني وبترعة المنصورية، إذ أنهى حياة الضحايا ال 4، مالك محل أدوات بيطرية.
أقوال صديقة ضحية جريمة الهرم أمام النيابة العامة
«كانت قرفانة من العيشة مع جوزها».. شقيق ضحية جريمة الهرم يروي اللحظات الأخيرة قبل اختفائها (انفراد)
قالت «مريم»، 25 عامًا أمام النيابة العامة، إن «زيزي» كانت تزورها يوميًا تقريبًا، وتفضي لها بهمومها الزوجية التي ازدادت سوءًا في الشهور الأخيرة، موضحًا أن المجني عليها لم تكن تحب زوجها «حمادة عيد»، وأنها كانت تشتكي باستمرار من شكّه الدائم فيها وإهانته المتكررة لها، مشيرة إلى أنها تركت بيت الزوجية أكثر من مرة قبل اختفائها الأخير في نهاية سبتمبر الماضي.
تفاصيل جديدة في تحقيقات مقتل سيدة وأطفالها الثلاثة بالهرم
«كانت بتحب عيالها أكتر مني».. أقوال والد ضحايا جريمة الهرم بشأن لغز اختفاء الزوجة (خاص)
وأضافت: «زيزي» كانت متعبة نفسيًا وتفكر في الطلاق، لكنها لم تتخيل أن النهاية ستكون بتلك القسوة، قبل أن تتوقف بصوت خافت أمام المحقق وتتمتم: «كانت بتحب عيالها أوي... ومكنتش تستاهل تموت كده».. وإلى الجزء الأول من نص أقوالها:
س: ما صلتك بالمدعوة زيزي مصطفى طه عبدالجواد؟
ج: جارتي في العمارة اللي في وشي على طول وصاحبتي.
س: متى نشأت علاقتك بسالفة الذكر؟
ج: من ساعة ما سكنت في العمارة اللي هي قاعدة فيها مع جوزها، يعني من حوالي خمس سنين تقريبًا.
س: وما طبيعة علاقة الصداقة التي تربطك بسالفة الذكر؟
ج: ساعات كتير أنا بروح أقعد معاها في البيت، وهي برضه بتجيلي البيت وبنقعد مع بعض ونتكلم زي أي اتنين بنات.
س: وما معدل تواصلك مع سالفة الذكر؟
ج: كنا متعودين نتكلم كل يوم أو نتقابل في بيت أي واحدة فينا.
س: وما طبيعة علاقة سالفة الذكر بأولادها كلٍّ من:.- سيف الدين حمادة عيد، و2- جنا حمادة عيد و3- مصطفى حمادة عيد؟
ج: كانت كويسة جدًا وبتحبهم وبتخاف عليهم جدًا، وولادها كانوا كل حاجة في حياتها.
س: وما طبيعة علاقتها بزوجها المدعو / حمادة عيد محمد السيد؟
ج: من ساعة ما عرفتها وهي على طول بتقولي إنها مش بتحب جوزها، وإن فيه مشاكل ما بينهم، وإنها عايزة تطلق منه.
س: وما طبيعة تلك الخلافات التي بينهما؟
ج: هي كانت بتقولي إن حمادة على طول بيشتمها، وعلى طول شاكك فيها وبيعاملها وحش.
س: وهل سبق وانفصمت الرابطة الزوجية فيما بينهما؟
ج: لا، هي زيزي محكتليش حاجة زي كده قبل كده.
س: وإلامَ احتدت تلك الخلافات؟
ج: إن زيزي بقيت تسيب البيت لحمادة وتروح تقعد عند أهلها في شبرا الخيمة.
س: ومتى أول مناسبة تركت فيها سالفة الذكر مسكن الزوجية؟
ج: من حوالي شهرين أو ثلاثة، أول مرة.
س: وهل من المعتاد للمدعوة زيزي مصطفى طه عبدالجواد أن تترك مسكن الزوجية؟
ج: لا، دي كانت أول مرة تسيبه.
س: وهل أفصحت لك سالفة الذكر عن سبب هجرها لزوجها؟
ج: هي كانت بتقولي إنها مش قادرة تستحمل تعيش مع حمادة وعايزة تتطلق منه.
س: وكم عدد المرات التي تركت فيها المدعوة زيزي مصطفى طه مسكن زيجتها؟
ج: مرتين راحت فيهم عند أهلها، وكان أهلها بيرجعوها تاني لبيتها، وثالث مرة اللي هربت فيها خالص هي وولادها.
س: متى تركت سالفة الذكر مسكن زيجتها في آخر مناسبة؟
ج: كان في آخر شهر 9، بس مش فاكرة إمتى.
اقرأ أيضًا|
«طلقتها شفوي قبل كده ومحدش عارف سابت البيت ليه».. أقوال جديدة لزوج ضحية جريمة الهرم (خاص)
«كانت رجلها مكسورة».. والد ضحايا جريمة الهرم يروي آخر لحظات زوجته وأطفاله قبل اختفائهم (خاص)
«كانت مصدومة من الموضوع».. تفاصيل مواجهة والد ضحايا جريمة الهرم لزوجته بعد مكالمة تتهمها بالخيانة