«مراتي رفضت ترجع لي.. وسابت البيت 3 مرات ومارجعتش».. نص أقوال والد ضحايا جريمة الهرم (خاص)

قال حمادة عيد، 36 سنة، فرد أمن بمخازن ماركت شهير، وزوج ضحية جريمة الهرم «زيزي» ووالد الأطفال الثلاثة الذين قتلوا على يد مالك محل أداوت بيطرية، في الجزء الثاني من أقواله أمام جهات التحقيقات، إن علاقته بزوجته كانت «كويسة جدًا ومفيش أي مشاكل» حتى شهر أغسطس الماضي، حين بدأت الخلافات بينهما دون سبب واضح، موضحًا أنه فوجئ بها «عمالة تهجرني وكل ما أحاول أقرب منها ترفضني»، مضيفًا أنها تركت المنزل أكثر من مرة رغم محاولاته المتكررة لإعادتها، حتى غادرت للمرة الثالثة ولم تعد بعدها.
نص أقوال زوجة جريمة الهرم
«كل ما أحاول أقرب من مراتي ترفضني».. نص أقوال والد ضحايا جريمة الهرم (خاص)
وأوضح «حمادة» في الجزء الثاني من التحقيقات التي حصلت «المصري اليوم» على نسخة منها، أنه خلال فترة ابتعادها الأخيرة تلقى اتصالًا من رقم غريب قال له «مراته بتاعة رجالة وبتخونه مع رجالة كتير»، ما جعله يحاول التواصل معها أكثر من مرة لمعرفة الحقيقة، مؤكدًا أنها كانت ترفض الرد عليه في البداية قبل أن توافق على العودة في النهاية، وإلى نص أقواله:
س: وما طبيعة علاقتك بزوجتك، وهل من ثمة خلافات فيما بينكما؟
ج: إحنا العلاقة بينا كانت كويسة جدًا ومفيش أي مشاكل، إلا من أول شهر 8 اللي فات، المشاكل ابتدت تحصل.
س: وما طبيعة تلك الخلافات وما سببها؟
ج: اللي حصل إن زيزي من أول شهر 8 اللي فات ومن غير سبب، لقيتها عمالة تهجرني، وكل ما أحاول أقرب منها ترفضني، وكل ما آجي أتكلم معاها عشان أقولها مالك، ما تردش عليا، والكلام ده حصل من غير أي أسباب، وأنا معرفش ليه ده حصل لحد دلوقتي.
س: وما الذي آلت إليه تلك الخلافات؟
ج: هي سابتلي البيت ومشيت مرتين، ورجعتها فيهم، لحد آخر مرة سابت البيت للمرة الثالثة ومشيت، ومن ساعتها وهي مرجعتش.
س: متى أول مناسبة تركت فيها زوجتك مسكن الزوجية؟
ج: في نص شهر 8.
اقرأ أيضًا| «الأم سابت البيت ومعاها العيال».. القصة الكاملة لجريمة الهرم كما وردت في محضر المباحث (خاص)
س: وما سبب ترك زوجتك للمنزل آنذاك؟
ج: والله معرفش، هو كل اللي حصل إنها بقيت مش عايزاني، وبتهجرني، وبتقوللي «طلقني» على طول، وأنا معرفش ليه.
س: وإلى أين كانت وجهة زوجتك عقب تركها لمسكن الزوجية؟
ج: كانت بتروح بيت أمها اللي في شبرا الخيمة، عند قهوة اسمها دوار العمدة، بس أنا معرفش العنوان فين بالضبط.
س: وما تصرفك من جراء هجر زوجتك لمسكن الزوجية في تلك المناسبة؟
ج: روحت واتكلمت مع عمها في سرياقوس في أبوزعبل، وقلتله على اللي حصل، وإني أنا مش عارف هي «زيزي» ليه بتعمل كده، ما هو اتكلم معاها وصالحنا على بعض، وقاللي خلاص إنها هترجع البيت، وفعلًا أخوها «إسلام» رجعها البيت تاني يوم على طول.
جريمة اللبيني فيصل - صورة أرشيفية
س: وكيف كانت العلاقة فيما بينكما عقب عودة زوجتك لمسكن الزوجية؟
ج: برضه من أول ما رجعت وهي فضلت زي ما هي، مش عايزاني، وعلى طول هجراني، وفضلت كده لحد ما سابت البيت تاني ومشيت.
اقرأ أيضًا| القصة الكاملة لجريمة الهرم.. الزوج يروي مأساة «زيزي» وأولادها والمحامي يكشف تفاصيل انتقام المتهم
س: ومتى تركت زوجتك مسكن الزوجية في المناسبة الثانية؟
ج: هي لما رجعت أول مرة قعدت في البيت حوالي أسبوع وسابت البيت تاني ومشيت.
س: وما سبب هجرها لمسكن الزوجية في تلك المناسبة؟
ج: أنا مش عارف، هي زي ما قلت اتحولت عليا، وبقت على طول مش طيقاني ومش عايزاني.
س: وإلى أين كانت وجهة زوجتك عقب تركها لمسكن الزوجية في تلك المناسبة؟
ج: راحت برضه بيت أمها، وفضلت المرة دي قاعدة كتير في بيت أمها.
اقرأ أيضًا| نص كامل لاعترافات المتهم في جريمة فيصل: «زيزي هددتني فقررت التخلص منها مع العيال» (خاص)
س: وما المدة التي مكثت زوجتك خلالها بمسكن والدتها تلك المناسبة؟
ج: المرة دي قعدت كتير، ممكن حوالي شهر، وساعتها لقيت رقم غريب كلمني وقاللي إن مراتي بتاعة رجالة، وبتخوني مع رجالة كتير.
س: وكيف كان التواصل بينك وبين زوجتك خلال تلك الفترة؟
ج: أنا كنت عمال أحاول أكلمها عشان أعرف مالها وأرجعها، بس هي مكانتش موافقة في الأول خالص، وكانت عمالة تقولي طلقني لحدما وافقت إني أرجعها في الآخر.