منة شلبي: «بتفاوض على الأجر.. ولو الإيجو بتاع الممثل عالي بيتكتف»

تحدثت الفنانة منة شلبي عن السينما وعلاقتها بها، وكيف تختار أدوارها، وعن الأدوار التي اعتبرتها مغامرة سينمائية بالنسة لها، والأدوار التي تميزت فيها بين الأداء وحققت معها شهرة فيما بعد.
وقالت منة خلال ماستر كلاس، ضمن فعاليات مهرجان الجونة الدورة الثامنة الجارية حاليًا، في حوارها مع كريم الشناوي: «أول فيلم مكنتش عارفة أني هبقى ممثلة، وحسيت إن أستاذ رضوان الكاشف غامر بيا».
وتابعت منة عن رؤيتها في التمثيل: «أنا غاوية تمثيل بأجر محترف، لكن في التمثيل بشتغل بروح الهاوي، ودا بيخليني براحتي وأقدر أبدع لكن لازم أخد أجر محترم، لأان أكيد أنا عارفة قيمتي قد إيه، المهم تعرف قيمتك، لكن مش مهم تاخدها وأنت بتمثل».
وأضافت منة: «مش عارقة ربنا كرمني إزاي وأنا بتفاوض على الأجر، لكن وأنا داخلة أمثل بقول يارب ساعدني أعمل الدور حلو، مينفعش تكون ممثل والإيجو بتاعك كبير هتبقى محدود أوي هيكتفك».
وتابعت منة عن تجاربها مع المخرجين: «كل مخرج بشتعل معاه باخد منه خبرة، الدور بالنسبة لي جنين يشارك فيه المؤلف والمخرج والممثل«.
وأردفت: «في أدوار بتجبرك إنك تمشي المشوار بتاعها للاخر، كل شخصية بعيشها، وفيلم عن العشق والهوى بحبه اوي الفيلم دا كان في مشهد صعب مع أحمد السقا، مكنتش بنام بسببه، وكنت بفكر واكتب عاوزة احس المشهد إزاي».