«زعلان من إية!.. بحب المواجهة».. شوبير يرد على غضب مرتجي بسبب ياسين منصور (فيديو)

وجه الإعلامي أحمد شوبير، رسائل نارية ل أنصار خالد مرتجي أمين صندوق الاهلي والقائم بأعمال نائب رئيس النادي، بشأن غضبهم من إعلان خبر المرشح على منصب نائب رئيس النادي الأهلي في قائمة محمود الخطيب بالانتخابات المقبلة.
وقال شوبير في تصريح تليفزيوني عبر شاشة قناة الأهلي: «كنت متأكد من معلومة أن ياسين منصور المرشح الأول على منصب نائب رئيس النادي الأهلي في قائمة الخطيب وقولتها في برنامجي الإذاعي، كلمني كتير من أصدقاء خالد مرتجي بيعتبوا عليا في هذا الأمر، وبيقولولي مش خالد حبيبك!»
وأضاف: «طبعًا خالد حبيبي ولكني بنقل معلومة، وبعديها كان كابتن الخطيب زار ياسين منصور فالموضوع مبقاش سر يعني، يبدو إن ولاد الحلال بيبقوا موجودين ويرموا كلام هنا وهناك، ولكني لما بيبقى معايا خبر صح بفضل مصمم على رأيي ولو خطأ بطلع اعتذر».
وتابع: «البعض لسه زعلان، ولكن زعلان من إية! خبري طلع صح وياسين منصور مرشح على نائب رئيس الأهلي، مفروض تطلع تشكرني إني قولتلك خبر صح».
وأتم شوبير تصريحاته قائلًا: «ناس بيقولولي خالد مرتجي زعلان، طب زعلان من إية بقى! ده احنا ما شاء الله مساندين مساندة قوية جدًا جوه الأهلي وبرا الأهلي، وفي ناس بتحب تصطاد في الماء العكر، وأنا مش بتاع الخط ده ولا السكة دي، أنا بتاع الوضوح والمواجهة».