«إنت ماسك ذلة على النادي».. رسائل نارية من خالد الغندور لنجم الأهلي

وجه الإعلامي خالد الغندور، رسائل نارية إلى الفلسطيني وسام أبوعلى، مهاجم الفريق الأول لمدة القدم بالنادي الأهلي.
وذلك في ظل إصرار اللاعب على الرحيل عن صفوف الفريق الأحمر خلال فترة الانتقالات الصيفية الجارية.
وقال خالد الغندور، في تصريحات تلفزيونية عبر فضائية «المحور»: «هو في إيه ياعم إنت ماسك زلة على النادي الأهلي ولا حاجة؟ النادي الأهلي كل شوية يتحايل عليك عشان تستمر».
وأضاف: «وسام أبوعلى، عايز يروح فريق ريد بول الأمريكي مقابل 4 مليون دولار، وجايله عروض ضعف ده في الخليج».
وتابع: «وسام، مش موافق على عروض الخليج، عايز يروح ريد بول الأمريكي، هو كان بياخد 700 ألف دولار مع الأهلي، والأهلي رفع راتبه لمليون و100 ألف دولار، ووكيله طالب أقل حاجة عايز 2 مليون و500 ألف دولار، وهو ما رفضه محمود الخطيب، رئيس النادي الأهلي ومحمد يوسف، المدير الرياضي».
وواصل: «وسام أبوعلى، تلقي عرضًا من الريان القطري مقابل 5 مليون دولار في الموسم، يبقى على الأقل الأهلي ياخد 10 مليون دولار من في الموسم».
وأتم: «مازال في عقد وسام أبوعلى 3 سنوات وأنا مش عارف الأهلي متساهل كده ليه مع اللاعب».