حادث المنوفية.. عمرو أديب يهاجم رئيس الوزراء: «ليه العند.. المستشارين قالولك اوعى تعزي؟» (فيديو)

هاجم الإعلامي عمرو أديب، رئيس مجلس الوزراء الدكتور مصطفى مدبولي، بسبب حادث الطريق الإقليمي في المنوفية.
وقال أديب خلال برنامجه «الحكاية» عبر قناة «mbc مصر»، مساء السبت: «هو إيه العيب إنك تعزي الناس، بصراحة أنا مش فاهم، سطرين».
وأضاف: «رئيس وزراء مصر لم يعزِ حتى الآن، أنا مش ضده ولا حاجة، أكيد عندك سبب.. وقارك، شايف إنك محدش يضغط عليك عشان تعزي، المستشارين قالولك اوعى تعزي، كده هيبقى شكلك صغير قدام الناس».
وأوضح: «المهندس مصطفى مدبولي أنت راجل أصيل وطيب ومحترم وأخلاق ومن عيلة، وزارة الخارجية الأردنية مشكورة عزت وأنت لسه معزتش، النيابة عزت والرئيس عزى وشيخ الأزهر عزى، وأنت لأ ليه».
وأكمل أديب: «المستشارين قالولك اوعى تعزي، ده الضغط الشعبي، هيقولوا سمع كلام... كلام مين يا أفندم ده واجب عليك، أنا عايز أقولك معلومة عشان أنا بحبك، أنت لو عزيت كمان 10 دقايق ملهاش لازمة، كل حاجة في الحياة لها توقيت، ولا ليها لازمة ولا تساوي عند الناس حاجة».
وتابع: «ليه العند؟ بتعند مع 100 مليون، طبطب عليهم، أنت قاعد على الكرسي اللي كان قاعد عليه مصطفى النحاس، مش فاهمك وزعلان عليك، ده مش أنت أبدًا، هتفضل الحكاية دي علامة استفهام؟!».
عمرو اديب يوجه رسالة هامة لرئيس الوزراء بسبب عدم تعزية ضحايا المنوفية: عيب ده مش مصطفى مدبولي.. وليه العند اللي عندك انت ووزير النقل؟ عزوا الناس
برنامج #الحكاية يعرض الآن على #MBCMASR من الجمعة للاثنين الساعة 10مساءً بتوقيت القاهرة مجاناً على شاهد
https://t.co/uwHwlsCISw pic.twitter.com/aNMu4t0Fv3
— الحكاية (@Elhekayashow) June 28, 2025