«بعد سقطة كبيرة».. محمد فاروق يتراجع عن صور قناة الزمالك والمذيعة تلوح بالقانون

تراجع محمد فاروق نجم نادي الأهلي السابق، عن تداول صورة «مفبركة» لإعلاميين ولاعبين نادي الزمالك ب«تيشيرت» فريق صن داونز، قبل ساعات على إقامة مباراة الأهلي في دوري أبطال أفريقيا.
وانتشرت صورة المذيعة بقناة الزمالك، مها صبري، بقميص صن داونز على نطاق واسع، وهو ما أثار الجدل على «السوشيال ميديا».
وبهذا الصدد، شارك محمد فاروق الصور عبر صفحته الرسمية ب «فيسبوك»، وعلق عليها: «لو المنظر ده على قناة نادي الزمالك وبعلم مجلس إدارة نادي الزمالك هتبقي سقطة كبيرة لمجلس الكابتن حسين لبيب». وتراجع فاروق عن منشوره، وأقر بأن الصورة المتداولة معدلة وليست حقيقية، معلقًا: «تم التأكد من عدم صحة الصورة وأنها فوتوشوب».
وكانت مها صبري قد وضحت الأمر عبر حسابها على «فيسبوك»، إذ شاركت الصورة الحقيقية، التي سبق وأن ارتدت فيها قميص الزمالك.
وعلقت «مها» على الصورة المزيفة بقولها: «ناس كتير نشرت وشيرت صورة مفبركة ليا وأنا لابسة تيشيرت صنداونز! وعلشان أكون صريحة، أنا مصدومة إن في ناس صدقت الموضوع أصلًا! الصورة دي مش حقيقية ومعمولة بالذكاء الاصطناعي، وده واضح لأي حد عنده أقل قدر من الفهم أو التمييز.. ولو في حد عنده فيديو يورينا لإنه ببساطة مفيش، وده كله افتراء وكلام مالوش أي أساس من الصحة».
وأعربت «مها» عن استيائها من ردود الفعل الحادة تجاهها: «مش قادرة أصدق كم الشتيمة والتجريح اللي جالي من غير حتى ما حد يفكر يتحقق! مافيش شخص واحد بس قرر يشوف إيه الحقيقة قبل ما يشتم أو يعمل شير.. أنا بتبع مؤسسة إعلامية محترمة، ومش ممكن أعمل تصرف غير مهني بالشكل ده. واللي يعرفني كويس، عارف إن أنا طول عمري زملكاوية، ومش ممكن ألبس أي تيشيرت في الدنيا غير تيشيرت نادي الزمالك».
في نهاية المنشور، أعلنت اتخاذها إجراء قانوني ضد الصفحات التي روجت للصورة المزورة: «هتخذ إجراءات قانونية واضحة ضد الصفحات اللي روجت للإشاعة دي بهدف تحقيق الترند والانتشار على حساب اسمي وسمعتي».