مي القاضي: أمي زعلت مني ومش هعمل دور راقصة تاني (فيديو)

ردت الفنانة مي القاضي على الانتقادات التي وجهت لها بعد تجسيدها دور راقصة في مسلسل «العتاولة 2».
وقالت «القاضي»، خلال حوارها مع الإعلامية ياسمين عز، ببرنامج «كلام الناس»، عبر قناة «إم بي سي مصر»، مساء الخميس، إن ردود فعل الجمهور كانت مفاجئة بالنسبة لها، مشيرة إلى أن والدتها لامتها بسبب هذا الدور.
وأضافت أنها لن تقوم بتجسيد أدوار رقص مرة أخرى خلال مسيرتها الفنية المقبلة، متابعة: «كنت متوقعة يحصل سلبيات بس مش للدرجة دي، واتخضيت لما شفت مشهد رقصي يمكن أكون متوفقتش في البدلة، وهي مش اختياري، ومش هعمل دور راقصة تاني، ومامتي زعلت مني ولامتني جدًا».
وأوضحت أنها تمرنت لمدة 5 أشهر عن طريق حصتي رقص في الأسبوع لمدة ساعتين، متابعةً: «الموضوع كان صعب كأنك بتعلم طفل إزاي يمشي وغيرت صوتي عشان أبققى عالمة واتعلمت أزغرد».
مي القاضي تكشف حقيقة خلافها مع هدى الإتربي
ونفت القاضي وجود خلاف بينها وبين الفنانة هدى الإتربي، خلال تصوير المسلسل، قائلة: «مفيش مشاكل خالص بيننا ومكنتش بشوفها في اللوكيشن، ومفيش أي مشهد جمعنا».
وتابعت: «أنا من ناحيتي مفيش أي حاجة، وأول مرة أطلع أتكلم من أول رمضان وأي انطباع اتاخد مليش علاقة به».
في أول ظهور بعد ترند رقصة (انتي الوحش اللي ما بيريحش).. مي القاضي ترد على منتقدي دور الراقصة في العتاولة 2
شاهدوا #كلام_الناس على #MBCMASR من الخميس إلى الأحد 6 م بتوقيت القاهرة من هنا https://t.co/sWtrLVJbzf pic.twitter.com/VQYBGoXWrH
— MBC مصر (@mbcmasr) April 10، 2025
اقرأ أيضًا:
كل الشركات سابتني.. بيج رامي: فلّست ورجعت مصر مكنش معايا مصاريف بيتي
مبروك تم إيداع 81 تريليون دولار في حسابك.. خطأ كارثي في أحد البنوك (فيديو)
عايدة رياض: تزوجت محرم فؤاد كيدًا في نجم نادي الزمالك (فيديو)