«أنا اتيتمت وقلبي مغروس فيه خنجر».. نشوى مصطفى تتذكر زوجها الراحل بكلمات مؤثرة

تذكرت الفنانة نشوى مصطفى، زوجها الراحل، بكلمات مؤثرة، بعد رحيله في 28 ديسمبر 2024
رسالة نشوى مصطفى لزوجها الراحل
وكتبت نشوى مصطفى، عبر حسابها على «فيسبوك» زوجها، قائلة: «الله يرحمك ويسعدك ويراضيك يا نور عينيا، عارف يا عماد إمبارح أخويا بيقولي أنتى كنتى مهمومة وبتراعى وواخدة بالك مننا كلنا».
كما أضافت: «وقالي أبيه عماد هو الوحيد اللي كان مهموم وواخد باله منك وبيراعيكي ومهتم بيكي، يا عماد أنت كنت رزقي الكبير ورزقي انقطع، أنت كنت سندي وضهري وستري، أنت كنت اطمئنان قلبي، أنت كنت سري كنت بجري عليك اشتكي لك وتصبرني».
وتابعت نشوى: «أنا أتيتمت مش هكذب عليك، أنا بامثل إنى عايشه، قلبي مغروس فيه خنجر وروحي مصلوبة فوق محرقة، نار فراقك بتزيد كل ما الوقت بيعدي مش بتقل، خدعتنى ومشيت بسرعة».
وواصلت: «بينا كلام لسه مخلصش، بينا أحلام لولادنا وأحفادنا لسه ما اتحققتش، أنت موجود قدام عينيا طول الوقت، وصوتك في وداني، ادعي لى ياحبيبي، يارب امتى اللقا، اللي بيحب ربنا يدعى لحبيبي بالرحمة ويدعي لي بالصبر ويدعى لولادي بالصبر والثبات».
نشوى مصطفى في أول حلقة بعد وفاة زوجها
ورحل زوج الفنانة نشوى مصطفى عن عالمنا، يوم 28 ديسمبر الماضي 2024، وخرجت الفنانة في حلقة تليفزيونية بعد رحيل زوجها بأيام، وتساءل البعض هل خروجها من المنزل قبل انتهاء شهور العدة حرام أم حلال حيث أوضحت أنها سألت مشايخ عن حكم ذلك.
وقالت نشوى مصطفى خلال برنامجها «بنات البلد»: «سألت الأفاضل أصحاب العلم في فكرة إني أنزل أشتغل عشان أنا مرتبطة بعقود عمل، وفي تفاصيل تانية شخصية، وانا مش هينفع أتسول ولا أستلف من حد، والحمد لله مستورة جدًا».
وأضافت: «مرتبطة ب مصالح ناس مينفعش أصر فيها، وسألت أهل العلم قالوا مش حرام الخروج للشغل وللطبيب، وانا مريضة قلب ومركبة دعامات، ولازم أنزل للطبيب للمتابعة، والأفاضل قالوا الخروج للتسوق أو الزيارات العائلية يجب انتهاء فترة العدة أولًا».
اقرأ أيضًا:
«في ذكرى ميلاده».. نشوى مصطفى تنشر آخر صورة لزوجها قبل وفاته
حرام أم حلال؟.. نشوى مصطفى ترد على خروجها للعمل بعد وفاة زوجها بأيام (فيديو)