قعدنا في شقة مسكونة.. محمود البزاوي يكشف كواليس «همام في أمستردام» مع أحمد السقا بعد 25 عامًا من عرضه

كشف الفنان محمود البزاوي، عن كواليس مشاركته في فيلم «همام في أمستردم»، بطولة الفنان محمد هنيدي، والفنان أحمد السقا، والذي تم عرضه عام 1999.
محمود البزاوي:قعدت مع السقا في شقة مسكونة
وقال محمود البزاوي، في فيديو نشره عبر «انستجرام»:«شقة أمستردام في هولندا، يا سلام كنا واخدين شقة أنا والسقا، أنا في الدور الأول وهو في الدور التاني، أنا نمت قدام التلفزيون وشوية ونمت خالص وصحيت بعد ساعتين لقيت الأباجورة اللي كانت على يميني بقت موجودة على شمالي، والزرعة اللي كانت موجودة في جنب الأوضة، لقيتها موجودة ورا الباب على طول».
وأضاف: «اتخضيت قولت السقا بيعمل معايا الحاجات دي ليه، شوية ولقيت السقا نازل مخضوض ومتوتر جدًا ووشه أحمر، قولت له فيه ايه؟، قالي انت ايه الحركات اللي انت بتعملها دي، قولت له الحركات اللي بعملها فيك ولا الحركات اللي بتعملها فيا، وأنا لقيت الحاجات منقولة من مكانها، قالي انا كمان لقيت الحاجات منقولة من مكانها، ملاقتش الشبشب في مكانه والكراسي محطوطة فوق بعضها».
و تابع: «فجأة سمعنا صوت سرينة، فتحنا الشباك، قالي بص يا بزاوي على التلفزيون، بصيت لقيت قناة إخبارية إحنا على الهوا، اتاري الحادثة منقولة على الهوا، قالي ايه يا معلم الظاهر أن العفاريت بتصورنا، قلت له عفاريت ايه بس يا سقا، ده أنت العفريت الوحيد اللي موجود في حياتي».
View this post on Instagram
A post shared by Mahmoud El Bezzawy Official (@albezzawy)
أحدث أعمال محمود البزاوي
أحدث أعمال محمود البزاوي، هو مسلسل «فهد البطل» المقرر عرضه رمضان 2025، من تأليف محمود حمدان وإخراج محمد عبدالسلام، وتدور أحداثه في إطار شعبي مع خط درامى صعيدى، وبطولة أحمد العوضي، أحمد عبدالعزيز، ميرنا نور الدين، لوسى، عصام السقا، محمود البزاوى، يارا السكرى، صفاء الطوخى، صفوة، عزت زين، عايدة رياض، حجاج عبدالعظيم، أحمد عبدالله محمود.
اقرأ ايضًا
محمود البزاوي: أنا الفنان المقنع «توو ليت» (صورة)