في رأس السنة.. محمود البزاوي يحكي موقف ضربه في القهوة: «كان بيلفني زي الكنافة في الهوا» (فيديو)

حكى الفنان محمود البزاوي عن موقف تعرض له، في فترة شبابه خلال أحد أيام الاحتفال رأس السنة، مشيرًا إلى أنه تعرض للضرب بسبب محاولته لتقليد الفنان العالمي بروس لي، والذي تمنى تجسيد شخصيته في الحقيقة.
وقال «البزاوي» في فيديو عبر إنستجرام: «أخدت علقة في رأس السنة جامدة أوي، وساعتها كنت بتفرج على فيلم لبروس لي، وطول الفيلم صويت وحركات، بعد كده خرجت من السينما مهيبر جدًا، مشيت لقيت قهوة فيها ناس كتير أوي ومتجمعين كلهم، قمت داخل عليهم».
View this post on Instagram
A post shared by Mahmoud El Bezzawy Official (@albezzawy)
وأضاف «البزاوي»، قائلا: «عملت حركة بصوت من اللي كانوا في الفيلم، قام جالي واحد وقالي اهدا يا بني براحه كده، ببص عليه لقيته طويل وعريض وشكله ضخم، قمت ضربه بالبوكس في عينه وجاب دم، ببص لقيت نفسي ممسوك من رجلي وبيلفني منها في الهوا، زي الكنافة بالظبط، بس كانت حتة علقة».