«لو واحد لسه بيتدرب كان جابها جول».. أحمد موسى يعلق على إهدار كهربا انفراد أمام باتشوكا (فيديو)

علق الإعلامي أحمد موسى على ضياع كهربا لفرصة إحراز هدف صريح أمام باتشوكا المكسيكي في المباراة التي انتهت بفوز باتشوكا بركلات الترجيح منذ ساعات.
وقال في برنامجه على مسئوليتي: «كهربا ضيع كرة يا جماعة، لو واحد لسه بيتدرب كان جابها جول».
وتابع: «الجول أمامه كان فاضي، الكرة مش محتاجة حاجة، لو كان جابها، كان دخل التاريخ وزماننا بنلعب النهائي أمام ريال مدريد».
وجه رضا شحاتة، نجم الأهلي السابق، رسائل نارية إلى محمد الشناوي، حارس مرمى الفريق الأول لكرة القدم بالقلعة الحمراء، بعد تصريحاته لجمهور الأهلي عقب الخسارة أمام باتشوكا المكسكي.
وخسر الأهلي بركلات الترجيح أمام باتشوكا، بنتيجة (6-5)، بعد نهاية الوقت الأصلي والشوطين الإضافيين بالتعادل السلبي.
كانت جماهير الأهلي طالبت عددًا من لاعبي الأهلي بالرحيل ومغادرة النادي، وعلى رأسهم محمود عبدالمنعم كهربا، وحاول محمد الشناوي تهدئة الجماهير ولكنه نال أيضًا بعضًا من الهجوم عليه، ثم قال «أنا كمان ماشي».
وقال رضا شحاتة، في تصريحات تلفزيونية عبر فضائية «صدى البلد»: «طبيعي بعد أي خسارة رد الفعل من الجماهير بيكون قوي ودي حاجة احنا عارفنها وعايشنها، ولكن الذكاء مينفعش يبقي حوار بين اللاعب والجمهور، بدليل محمد الشناوي، في موقف قبل كده كان بيمنع إمام عاشور، من الاحتفال مع الجماهير حتى لايحدث له ضرر».
وأضاف: «إنت بتمنع لعيب عشان ميحصلش له مشكلة، ما إنت ككابتن الفريق لما تدخل مع الجمهور هيحصلك مشكلة»
وتابع: «رد محمد الشناوي، على الجمهور مش عاجبني، يعني إيه هتمشي! عايز تمشي ما تمشي بس متقولش كده، لأن رد فعل الجمهور على قدر الحدث الذي كان يلعب فيه الأهلي وعلى قدر الأحلام اللي كنا عايشنها»
واستطرد: «فا تقوم انت تعمل مشكلة مع الجمهور؟ انا بالنسبة لي الرد بتاعك مش عاجبني يعني ايه تمشي؟ مش فاهم؟.. عاوز تمشي ما تمشي».