مش هقول معاناة عشان محدش يعيط.. عمرو سعد يكشف جوانب من حياته الشخصية بمهرجان القاهرة

أقام مهرجان القاهرة السينمائي الدولي بدورته ال45، جلسة نقاش حوارية مع النجم عمرو سعد، ضمن فعاليات أيام القاهرة لصناعة السينما، على المسرح المكشوف بدار الأوبرا المصرية.
وقال عمرو خلال الجلسة :«بعد رسوبي في معهد السينما متخوفتش واشتغلت على نفسي، لازم تشتغل على نفسك وتكون مصدق انك تعمل ده وكن متأكد تمام انك هتوصل».
[image:4:center]
وأضاف :«كل يوم كنت بعدي عند سينما كايرو وأفضل وفي حاجة ربنا بيعملها والقدر بيساعد فيها ويكون أو أفيش يتحط على سينما كانت سينما كايرو ودي كانت علامة من ربنا أن جهدك مش هيضيع»
وأوضح :«ومش بحب أتكلم عن نفسي ولا أقول أنها معاناة عشان لو حكيت معاناة الناس اللي قدامي دي هتعيط بس اللي عايز اقوله أن أي حد نجح في حياته من مشاهير ولاعيبة وآخرين كان عايش فترة تعب كبيرة في حياته وهي السبب في نجاحه»
جلسة عمرو سعد يديرها الناقد رامي عبدالرازق، ويقدم «سعد» شهادة حول مسيرته المهنية المليئة بالعديد من الأعمال الفنية وإنجازاته وتأثيره على الصناعة.
فعاليات أيام القاهرة لصناعة السينما (CID)، والتي تقام في الفترة من 15 إلى 20 نوفمبر 2024، تمثل منصة حيوية تهدف إلى دعم وتعزيز مشروعات السينما، وتقديم فرص نادرة للتفاعل بين صناع الأفلام من جميع أنحاء العالم، وتشهد هذه الفعالية مشاركة متميزة من مخرجين، منتجين، وخبراء في مختلف جوانب الصناعة السينمائية، يجتمعون لاستكشاف أحدث الاتجاهات وتبادل الأفكار والتجارب.