«مشروع لاعب كبير ولكن».. سيد عبدالحفيظ يوجه رسالة ل نجم منتخب مصر (فيديو)

أثنى سيد عبدالحفيظ، مدير الكرة السابق في النادي الأهلي، على محمود صابر نجم منتخب مصر، وفريق سموحة، بعد الأداء المتميز الذي ظهر به خلال مباراة مصر وكاب فيردي مساء أمس الجمعة.
وانتهت مباراة مصر وكاب فيردي في الجولة الخامسة من تصفيات أمم إفريقيا بالتعادل الإيجابي 1-1، وأحرز هدف الفراعنة طاهر محمد طاهر، ليرفع المنتخب الوطني رصيده إلى 13 نقطة في الصدارة.
وقال سيد عبدالحفيظ في تصريحات تليفزيونية عبر شاشة «إم بي سي مصر 2»: «في واحد أنا مقتنع بيه تمامًا وأشوف أنه هيبقى حاجة كبيرة جدًا مستقبلًا محمود صابر، أشوف أنه لعيب كويس أوي».
وأكمل: «حابب أوجه له رسالة أن مهما كانت الأندية والمدربين مقتنعين بيك أو لأ، لازم تعرف أنك مشروع لعيب كبير أوي، بس لازم تطور من نفسك، وساعتها اعتقد أنك هتبقى حاجة كبيرة أوي في الكورة».
وأردف: «مش دلوقتي بس ده من أيام منتخب الشباب، والمنتخب الأولمبي، هو السنة اللي فاتت ملعبش كتير أوي مع زد، بس الموسم ده ظهر مع سموحة بشكل مميز على المستوى الفني والبدني».
وأتم سيد عبدالحفيظ تصريحاته قائلًا: «محمود صابر واضح أنه شخص هادي ومبيتكلمش كتير، وضربة الجزاء اللي اتحسبت عليه في مباراة مصر مش صحيحة خالص».