تامر حسني يوجه رسالة مؤثرة ل هيثم سعيد بعد سفره لأستراليا والابتعاد عن الفن

حرص الفنان تامر حسني، على دعم المطرب هيثم سعيد بعد إعلانه سفره لأستراليا هو وأسرته والابتعاد عن المجال الفني لفترة، بسبب فقدانه الشغف.
ومن جانبه، علق تامر حسني على قرار هيثم سعيد بنشره مقطع فيديو له عبر خاصية «الأستوري» بحسابه الرسمي بموقع الصور والفيديو «إنستجرام»، قائلاَ:«حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير».
وأضاف تامر في رسالته ل هيثم سعيد :«أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك».
وتابع :«ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضه أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب».
وأختتم :«ولو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جميل ومحترم وتستحق كل خير.. فكر يا صاحبي وأنا بعون الله معاك».
اقرا ايضا: -
«في أشد الحاجة».. تامر حسني يدعم مي عز الدين بعد تعرض والدتها لوعكة صحية (تفاصيل)
تامر حسني يطالب جمهوره بالدعاء ل «ملك جمال الأردن»