تامر حسني ل جمهوره: "اللي بيطلع من القلب بيوصل للقلب "

نشر نجم الجيل تامر حسني، عبر صفحاته الرسمية بمواقع التواصل الإجتماعي مقطع فيديو لشخص يدعي الله تعالى أمام الكعبة المشرفة.

View this post on Instagram
A post shared by Tamer Hosny (@tamerhosny)

تعليق تامر حسني علي الفيديو

وعلق نجم الجيل عليه قائلًا: "لفت نظري الصدق اللي خارج من قلب هذا الراجل الطيب مع اني معرفوش بس شوفته وكأنه بيدعي لاولاده واحبابه عن ظهر قلب.. كلامه صح أو ي يا جماعة مادام الدعاء وصلك وهو طالع من القلب كده، يبقى ان شاء الله ربنا قاصد يوصلهولك بس رددوه وقولوا آمين لنا ولاهل سوريا وجميع بلادنا وشعوبنا اللي محتاجه كل كلمه فيه و كل الدنيا وعايز اقول كلمه صغيره من اخ لكم جايز تفرق مع شخص واحد".
وأضاف: "متستهونوش بالادعيه اللي بتجيلكوا رسايل على التليفون من ناس متعوده تبعت وناس متعوده للاسف متردش ،،، والله يا جماعه ساعات بيبقى ربنا جايبلك الدعوه لحد عندك عشان يفكرك انك محتاجها وإنه بيحبك ومستنيك تقولها بس، عشان يشيل عنك حاجه انت متعرفهاش أو يعلي درجتك ويكافئك بحاجه نفسك فيها و انت مش مدرك اهميه اللي اتبعت ليك و اهملته اصل مفيش حاجه صدفه في الدنيا كله متقدر لسبب ،،،،، واللي مش بيردوا قال ايه عشان فكرة ان الدعوه مبعوته للكل مش بشكل خاص فا مش هيردوا طب ما ده رزق رايح للكل ايه يزعلك في كده، دانت المفروض تفرح انك من ضمن الكل اللي رايحلهم الرزق الجميل ده".

واختتم كلامه قائلًا: "حسيت بالدعاء بما إنه جالي فقولت هبعته لكل الناس،، انتوا كمان ابعتوه لكل الناس وادعوه لاهاليكم واولادكم واحبابكم وكل الناس اكيد فينا كتير محتاجينه (اللي بيطلع من القلب بيوصل للقلب) اللهم آمين".

آخر أعمال الفنان تامر حسني السينمائية

فيلم "بحبك"، يشهد أول تجارب تامر حسنى الإخراجية فى السينما، وهو من تأليفه وبطولته، ويشارك فى بطولته كل من: هنا الزاهد وحمدى الميرغنى ومدحت تيخة وهدى المفتى، أحمد عزمى، وتميم عبده وسمر محمد متولى، وعمرو صحصاح وعاليا راشد، شهد الشاطر، وآخرون، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.

أعمال تامر حسني القادمة

يستعد تامر حسني لفيلم جديد يحمل اسم "تاج" من إخراج سارة وفيق وذلك حسب تصريحاته ببرنامج insider حيث أشار أنه في آخر المراحل من تحضريه وهو من إخراج سارة وفيق الذي سبق وقامت بإخراج فيلم مش أنا، ومن تأليف وقصة تامر حسني، وبطولة مي عمر.