«بيجيلي نوبات صرع».. أسما شريف منير توجه رسالة للمتنمرين عليها بسبب زيادة وزنها (فيديو)

وجهت أسما شريف منير، رسالة للمتنمرين عليها بعد ظهورها في الدورة ال7 من مهرجان الجونة السينمائي الدولي بزيادة في الوزن.
أسما شريف منير توج رسالة للمتنمرين
وقالت أسما شريف منير، في تصريحات ل«et بالعربي»: «اتعرضت للتنمر وأنا دلوقتي تخنانة، أنا تخينة عشان باخد دواء عشان كان بيجيلي نوبات هلع وصرع، ومش قادرة أنزل من البيت من كتر الخوف».
View this post on Instagram
A post shared by ET بالعربي (@etbilarabi)
أسما شريف منير: «مش هستمر في علاقة غير مريحة لمجرد خوفي من الوحدة»
في سياق أخر تحدثت أسما شريف منير عن أزمتها مع العلاقات العاطفية، وذلك في أحدث ظهور لها عقب حذفها جميع صورها على حساباتها الرسمية.
ونشرت أسما صورة جديدة لها، عبر حسابها الرسمي «إنستجرام»؛ معلقة: «عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايمًا حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين».
وأضافت: «كنت دايمًا بقول لنفسي مش لازم كل حاجة تكون مثالية، المهم إني مرتاحة حتي لو موجوعة، ما هو ده الحب اللي أعرفه، مش الحب عذاب برضه؟، بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت أقعد مع نفسي وأسأل.. هل الراحة كفاية؟، هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟».
واستكملت: «بعد التفكير، قررت إني مش هتستمر في علاقة مش مريحة لمجرد إني خايفة أبقي لوحدي، قررت إني أستحق علاقة فيها حب حقيقي، دعم، وتفاهم».
واختتمت: «الدرس اللي اتعلمته كان واضح، متقبلش علاقة متوسطة بس عشان الخوف، إحنا نستحق إننا نعيش علاقة مليانة حب وتقدير بجد».
اقرأ ايضاً
أسما شريف منير تحذف جميع صورها على «إنستجرام».. (تعرف على السبب)