«الأهلي مش بيدلع ويطبطب».. تعليق مثير من إبراهيم سعيد على جلسة محمد رمضان مع بيرسي تاو

كشف الإعلامي إبراهيم سعيد، عن تفاصيل جلسة محمد رمضان المدير الرياضي للنادي الأهلي، ونجم الفريق بيرسي تاو، على هامش مران المارد الأحمر الجمعة.
وقال سعيد في تصريحات تليفزيوينة عبر برنامجه المذاع على شاشة النهار: «كان هناك خلافات بين الجهاز الفني للفريق وبيرسي تاو خلال الفترة الأخيرة بسبب عصبية بيرسي تاو وهو مش أحسن حاجة خلال الأوقات الأخيرة».
وأضاف: «بيرسي تاو لاعيب مزجانجي ومودي، لما يبقى مزاجه حلو بيبدع، والعكس لو مش مبسوط مش بتحس بوجوده في الملعب ومش بيبقى مفيد للفريق».
وأكمل إبراهيم سعيد: «النادي الأهلي مش بيعرف يدلع ويطبطب، وده مش دلوقتي ده من زمان، الأهلي اللي بينه وبين أي لاعب ملعب لأنه لاعب محترف».
وأردف: «محمد رمضان أكيد اتكلم معاه وقاله إن الأهلي متمسك بيه، بس لازم يكون في حساب من مستوى وتواجدك مع الفرقة، وكمان الأهلي بيوفرلك بطولات وتاريخ كبير».
وواصل: «الأهلي بيحاول يلم اللعيبة قبل انطلاق مباراة السوبر المصري الأخير، وخاصة بعد غضب جماهير النادي الأهلي بعد الإخفاق الأخير في السوبر الإفريقي».
وأتم: «بيرسي تاو لاعب كبير ومهم لو هو في مستواه، بيقدر ينقل الفريق من الحالة الدفاعية للهجومية في كرة طويلة، وبيقدر يعدي واحد على واحد، ويسدد من المسافات البعيدة فنتمنى يستعيد مستواه».