«مش كل من هب ودب يطلع يتكلم عن الأهلي».. إبراهيم سعيد يشن هجومًا ناريًا على القندوسي

هاجم إبراهيم سعيد، نجم الأهلي السابق، الجزائري أحمد القندرسي، لاعب خط وسط الفريق الأول لكرة القدم بالنادي الأهلي.
وقال إبراهيم سعيد، في تصريحات تلفزيونية عبر فضائية «النهار»: «تصريحات القندوسي، تصريحات غريبة وفيها تضارب ومتطلعش من طفل صغير وتصريحات متتقالش عن النادي الأهلي، الأهلي أكبر من كده».
وأضاف: «النادي الأهلي كبير وقوي مش كل من هب ودب يطلع يتكلم عليه»، مضيفًا: «إنت بتتكلم عن أكبر نادي في مصر، الأهلي اسم كبير كل اللي فيه أسماء تقيلة سواء ادارة أو لاعبين وجهاز فني».
وتسائل إبراهيم سعيد،: «اشمعنى التصريحات خرجت في التوقيت ده؟ عشان خسر بطولة؟ ايه المشكلة الاهلي بطولاته مش بتخلص».
وأكمل: «الجرئ بيتكلم في أي وقت، طالما انت قلبك جامد أوي كده قول أسماء، الإنسان الجرئ بيتكلم في أي وقت».
وواصل: «القندوسي، ملحقش يلعب في الأهلي، هو لو لعب في الأهلي كان احترم المكان اللي لعب فيه»
وتابع: «مينفعش ترمي الناس بالباطل عشان مرجعتش النادي، كلامك خسرك كتير، أنا عمري ما سمعت عنك أنا عرفتك عن طريق الاهلي، وإنت لم تثبت وجودك في النادي ك، دي مشكلة فيك إنت،المدير الفني لو مقتنع بإمكانياتك كنت هتستمر».
وأتم: «مع احترامي ليك مستواك ميؤهلكش إنك تلعب في الأهلي، إمكانياتك قليلة، لو لعيب كويس كنت هتستمر».