«ملحقش يمرض».. شوبير يرد بقوة على الحملة ضد الأهلي

رد الإعلامي أحمد شوبير حارس مرمى الأهلي ومنتخب مصر السابق، بقوة على الحملة المشتعلة ضد النادي الأهلي ولاعبيه ومسؤوليه منذ خسارة لقب السوبر الأفريقي أمام نادي الزمالك يوم الجمعة في الرياض بركلات الترجيح.
وقال أحمد شوبير: «الأهلي لم يخسر في الموسم الماضي والموسم الحالي سوى لقبي كأس السوبر الأفريقي أمام اتحاد العاصمة الجزائري ثم الزمالك، فمش عارف فيه أيه هي الدنيا وقفت ولا أيه، واللي يكتب لي يقول: الأهلي يمرض ولا يموت، هو ملحقش يمرض أساسا، فريق واخد كل البطولات وخسر مباراة عادي جدًا يعني».
اقرأ أيضًا: تطورات حالة كهربا الصحية.. قلق في الأهلي وإجراء جديد
وأوضح أحمد شوبير: «فريق باير ليفركوزن بطل الدوري الألماني اللي واخد كل حاجة السنة اللي فاتت ومكسر الدنيا خسر لسه في الدوري 3، طبيعي تخسر اللي مش طبيعي إنك تهول من حجم الخسارة والإدارة فاشلة والنادي باظ واللاعيبة خرجت عن النص».
وتابع شوبير: «هى خسارة تتحط في الحجم بتاعها ما هذا التضخيم الغريب أنا مش فاهم فيه أيه تزعل اه طبعا تزعل عشان خسرت من منافسك التقليدي، وفيه لائحة بتطبق في الأهلي وكولر هيقعد مع اللاعبين والمسؤولين ويدرسوا كل اللي حصل، لكن فيه هجمة على الإدارة إنها طول ما هي موجودة مش هتاخد بطولات آمال البطولات اللي فاتت دي كلها كانت أيه».