محدش زاره من مجلس لبيب.. مرتضي منصور يكشف كواليس زيارته ل أحمد فتوح

كشف المستشار مرتضي منصور رئيس نادي الزمالك عن كواليس زيارته ل أحمد فتوح لاعب الفريق الكروي بالنادي الزمالك في محبسه، بعد حادث التصادم الذي ارتكبه اللاعب وتسبب على إثره في وفاة أحد الأشخاص.
قال مرتضي منصور في فيديو مصور على صفحته الشخصية ب«فيس بوك»: بشكر كل الرجال الأمن المتواجدين في القسم على مجهوهم اللي بيبذلوه، وأنا أطمئنت على أحمد فتوح وهو الحمدلله بخير، وقولتله أن إيمانك بربنا هو لأزم يكون نمرة واحد، هنفترض أنت اللي روحت فيها، فده نعتبره أن ربنا فداك».
وأضاف:«الحاجة التانية، قولتله أن لازم يكون ضمير يكون عايز المصالحة ودفع الدية لأسرة المتوفي».
وتابع:« كنت مندهش لما قالي إن مفيش حد من مجلس إدراة الزمالك الحالي زاره حتي الآن، لا حسين لبيب ولا سليمان ولا أدهم».
وواصل:«أنا متصور الناس كلها هتروح تشوف فتوح لأني دايما أنا بحب أسبق في الخير، وإن شاء الله متابع التطورات القضية مع فتوح وإن شاء الله خير في اللي جاي».
واستكمل: «وإن شاء الله أعتقد أننا قربنا من التصالح والتنازل، وبعدين هنروح لسيادة القاضي الجليل اللي اتمني أنه ينظر في الموضوع بعين الرحمة».
وتابع:«وأنه يشوف أن فتوح ده شاب صغير من دور ابن من ولاده، وكلنا بنغلط».
وأستكمل:« أنا بس لفت نظرى حاجة كمان، كابتن ميدو مش أنت زملكاوي ليه مجيتش تزور فتوح، وفين كابتن خالد الغندور، من الآخر اللي مش بيظهر في الأزمة بيقي ملوش أصل».
وأنا قابلت المحامي أشرف عبد العزيز اللي بيحاول يساعد فتوح من أزمته، بس أنا مندهش وهو واقف معايا، وعايز أعرف ليه بيتشم ليه لجان حسين لبيب وممدوح عباس، نزلين فيه شتيمه، لكن المفروض أي حد يقدر يساعد فتوح عشان يطلع من محنته يتفضل».
ومن جانبه قال أشرف عبد العزيز:« أنا بشكر المستشار مرتضي منصور على تواجده من الفجر لزيارة فتوح ومساندته وأنا بعلن أنني منضم لمعالي المستشار للدفاع عن فتوح».
وتابع«عايز أقول حاجة تانية، أن مفيش لا أهلي ولا زمالك في المحن، واللي عايز ينضم لينا أهلا وسهلا».