تعليق ناري من مرتضى منصور على رباعية الأهلي في سيراميكا (فيديو)

علق المستشار مرتضى منصور رئيس نادى الزمالك، على الفوز الكبير الذى حققه الفريق الأول لكرة القدم بالنادى الأهلى على حساب سيراميكا كليوباترا، في بطولة الدورى الممتاز.
وحقق الأهلى الفوز على سيراميكا كليوباترا برباعية نظيفة، في المباراة التى أقيمت بينهما مساء الثلاثاء، فى الجولة الأخيرة من بطولة الدورى الممتاز.
وقال مرتضى منصور فى تصريحات تليفزيونية عبر فضائية «الزمالك»: «أنا بحب أتفرج على تعليق أيمن يونس، فلاقيته هو وعماد متعب وأحمد حسن وكريم خطاب بيعلقوا على ماتش الأهلى وسيراميكا.. لا فى لاعيبة فى سيراميكا كليوباترا، لازم تتشطب النهاردة، واحد زى شادى حسين، ده (فاكر العزاء اللى كان يحيى الفخرانى رايح بيضحك وقاله أنت جاى تهرج وقاله أه أنا جاى أهرج)، دول كانوا بيهرجوا تهريج كامل».
وأضاف: «وأنا بتفرج على الماتش كان في حاجة غريبة.. محمد أبوالعينين، (رئيس نادي سيراميكا كليوباترا)، مع احترامى لجمهور الأهلى وفريق الأهلى، هو أنت عملت ده عشان أنت عارف لما يكون واحد ضعيف فبقى ضعيف جدًا فأبوه صعبان عليه فاجبله واحد أضعف منه قاله اقعد اضربه والتأنى ممكن يضربه بس هو متفق ميضربوش ويخلى الضعيف يضربه».
وأردف: «أسعد واحد في الماتش ده سواريش، المدير الفنى للأهلى، لأنه لو مشى النهاردة هيروح للاتحاد الدولى لكرة القدم فيفا، يقولهم أنا عاوز حقى بالكامل، هيقولوله ليه عقدك بالكامل ده أنت فاشل؟ هيقولهم أنا آخر مباراة كسبان 4-0 مع الرأفة أنت بتمشيني ليه والعبرة بالخواتيم».
وأكمل: «أنا بعت رسالة لأيمن يونس، وقولتله (ده الفواصل أكثر من الماتش نفسه، انتوا مبتكلموش ليه!)، هو معندوش حاجة يتكلمها».
وواصل: «اللى عاوز أقوله ده مينفعش الأهلى اللى ينفع الأهلى أنك تلعب مباراة والفريق اللى قدامك بتاع أحمد موسى بتاع السيراميك، يلعب بكل قوته عشان يبان ضعفك إيه وقوتك إيه، ما هو أنا كده مش هصلح أنا أحسن حاجة فى الدنيا».
واختتم مرتضى منصور، تصريحاته قائلًا: «ربنا يوفق جمهور الأهلى، لأنه واقف ورا فريقه وده وضع طبيعى».