خاص .. عواد يفضح العميد ويؤكد انتقاله للزمالك رسمياً

كشف محمد عواد حارس مرمى الاسماعيلي، المنتقل حديثاً لصفوف نادي الزمالك حقيقة انتقاله رسمياً للقلعة البيضاء، في اعقاب تضارب التصريحات بين رئيسي الاسماعيلي والزمالك.
كان العميد محمد ابو السعود رئيس الاسماعيلي قد اتهم عبر صفحته الشخصية على موقع التواصل الاجتماعي فيسبوك محمد عواد بالهروب والتوقيع لنادي الزمالك، دون علمه، في حين كشف المستشار مرتضى منصور توقيع رئيس الاسماعيلي على عقود بيع الحارس الشاب في اتفاق ابرم بينهما منذ شهرين، مضيفا اي مرتضى انه دفع 4 مليون جنيه كاش للحارس مقابل انتقاله رسمياً للزمالك.
وكتب عواد عبر صفحته الشخصية بموقع التواصل الاجتماعي فيسبوك حقيقة الامر، موضحاً انه اجتمع مع رئيس الزمالك واكتشف وجود عقد بيع تم بين رئيسي الناديين وبموافقة ابو السعود، وهو ما اكد له ان رئيس الاسماعيلي باعه دون الروجوع اليه.
وفيما يلي نص ما كتبه عواد عبر صفحته الشخصية بموقع التواصل الاجتماعي فيسبوك:
صباح الخير علي الجميع لا يا حاج لا أنكر اتصالك بي بس علشان صبحي كان طلب فلوسة القديمة وانت مش عاوز تديها له فقلت تضربنا ببعض وانا بلعب في المنتخب من قبل وجود مجلسك وعلي فكرة انت كنت قاعد مع ناس في مكتبك في القاهرة بعد رجوعك من الامارات وقلت ده خرم وانا اللي خليت شوقي يأخذه المنتخب علشان أبيعه باعلي سعر ومبروك ع الزمالك يشربه اما عن خلع كتفي فأنا لاعب محترف في النادي لازم تعالجني ده مش فضل من حد ده حقي اما علي نفقتك او النادي انت بعت لي حسين ابنك مضيت علي تنازلي عن الفلوس دي من مستجقاتي بعدها وبعدين انت فقدت صبحي بمزاجك وانت اللي قلت لي كده انك مش عاوزه في النادي بسبب فلوسه الكتير والله عمري ما كلمتك علي فلوس غير الخمسين الف من كابتن عيد وعشرين يوم فرح اخويا وبتبقي لي 830 الف جنيه وبعدين انت السبب في أني ًاكلمك من ورا زمايلي لأنك بتعمل كده مع كل الفريق اللي يكلمك ياخدً فلوس واللي ميكلمكش ميشمش جنيه بدليل ان محمود عبدالعزيز شايل الفريق هو والسولية ومخدوش 25٪ من فلوسهم عكس لاعبين حبايبك جبتهم ومعملوش حاجه واخدوا 90٪ من فلوسهم او اكتر اما عرض الزمالك انت اللي قلت لي اطلع قول انك عاوز تروح الزمالك وأنك عاوز فلوسك مني وانا مش معايا وجت البيت عندك وكانت مشكلتك كلها انك تخليني أطلعك اودام الجمهور مش عاوز تبعني وأنك هتديني فلوسي وشقة إيجار وفعلا اديتني 20 الف من اصل 50 طلبتهم وفضحتني بيهم في البلد كلها وهما من عقدي أساسا وبعدين روحت الشقة قفلت تليفونك انت واللي شغال معاك وخلتني ادفع إيجار الشفة من جيبي وموضوع البيت محصلش حاجه خالص عكس اتفاقنا ومحدش راح بيت أهلي ولا كلم ابويا مع العلم انك عارف بيتي فين زي ما بعت لي ماس هناك يعني لو عاوز تنفذ كنت نفذت وبردوا لو كان حصل من فلوسي عقدي مش منك يعني منفذتش ولا حاجه من اتفاقنا موضوع قفل تليفوني انا في أجازه هفتحه ليه وانا موجود لو عاوز تجبني هتجنني في إسماعيلية كل يوم وانا ممضتش علي حاجه واتحدي اي حد انا بس روحت علشان أتأكد من كلام المواقع انك ماضي عقد بيعي وروحت شفته بنفسي وهو عقد بيع مش أولوية زي ما قلت يعني انت بعتني وانا شفت ده بعيني وكمان زعلان أني قفلت التليفون ومش برد عليك أومال انا اعمل ايه لما شفت عقد بيعي بنفسي وانت ماضي عليه من شهرين وعلي فكرة انا قعدت مع الجمهور وحكيت لهم ولسه انا مقلتش كل حاجه للأسف انت بعتني ومضيت علي كده عاوزني أهمل ايه وكمان كل ما تكلم حد تقول انا هبطله كورة وهجيب جونين طيب ما كنت تديني فلوسي انا وصبحي ولا انت عاوز تعمل معايا زي ما عملت مع صبحي وخيري وعمر وكل واحد بيقولك عاوز حقي بتعمل كده معاه حرام عليكم انا مش آدك انا كان نفسي اكمل في النادي بتاعي لولا شفت العقد بعيني وكلام المستشار معايا انك قلت له بعد ما انا طلعت مع كريم وانا مالي انا بعت لك اقنع انت الواد وانا موافق وماضي طيب انا أتصرف ازاي الإسماعيلي باعني والزمالك لو رفضته هضيع وانا مش لاقي اكل ولا عملت حاجه. لأهلي طيب بلاش لو انا ابنك هاعمل ايه. نهاية الكلام يا حاج انت السبب في اللي حصل لو تعرف ترجعني زي ما بعتني رجعني انا كان نفسي اكمل في بيتي ومنه لله اللي كان السبب في بيعي