الميرغني: والدي لم يكن عاملًا بنادي الزمالك.. والإبراشي تأسف لي على كلام مرتضى منصور

قال اللاعب أحمد الميرغني لاعب وادي دجلة السابق، إنه ظهر خلال برنامج العاشرة مساءً أمس الجمعة ليظهر للناس حقيقة ما كتبه على حسابه بموقع "فيسبوك".
وأضاف الميرغني على حسابه الخاص بموقع التواصل الاجتماعي أنه كان يعلم أن هناك مكالمات ضده في وجهة النظر وكان يعلم انه سيكون هناك مداخلة هاتفية للكابتن عزمي مجاهد، مشيرًا إلى ان الإعلامي وائل الإبراشي مقدم البرنامج قدم له الاعتذار عن مداخلة المستشار مرتضى منصور رئيس نادي الزمالك.
وحول ماقيل إن والده كان عاملا بنادي الزمالك أكد الميرغني أن والده كان مدير عام العلاقات التجارية لقطاع غرب القاهرة في الشركة المصرية للاتصالات.
وجاء نص تعليق اللاعب كما يلي:-
"أولا بتأسف علشان مش قادر أرد علي الرسايل علشان كتير بجد
ثانيا بالنسبة لحلقة امبارح أنا كنت عارف وكان طبيعي أنهم يجيبوا مكالمات ضدي في الرأي وكنت عارف أن كابتن عزمي مجاهد هيعمل مداخلة وأستاذ وائل الإبراشي اتأسف لي بعد الحلقة علي اللي قاله مرتضي منصور ده بس علشان أكون قلت الحقيقة وأنا شايف إنه كان معايا مش ضدي
ثالثا أنا أبويا كان مدير عام العلاقات التجارية لقطاع غرب القاهرة في الشركة المصرية للاتصالات مش كان عاملًا في نادي الزمالك وده بس للتوضيح مش أكتر
رابعا: أنا بشكر كل الناس اللي واقفة معايا وبجد مش عارف اقول إيه وكمان أنا بس عاوز أقول أنا الحمد لله أبويا وأمي ربوني كويس بس برضه انا مش مثالي انا بغلط عادي جدا
آخر حاجة في صفحات كتير باسمي اتعملت أحب أشكر اللي عملها بس أنا معرفش هما مين بس الكلام اللي هنا هو بس اللي علي لساني".