«مش فاهم كورة».. مجدي عبدالغني يهاجم جمهور الأهلي بسبب محمد عبدالمنعم

وجه مجدي عبدالغني، نجم الأهلي السابق، رسائل نارية إلى جماهير النادي الأهلي بسبب هجومهم على محمد عبدالمنعم، مدافع الفريق الأول لكرة القدم، خلال مباراة سموحة، في بطولة الدوري.
وقال مجدي عبدالغني، في تصريحات تلفزيونية عبر فضائية «الشمس»: «الحقيقة ألمني جدًا هجوم جماهير الأهلي على محمد عبدالمنعم، لمجرد إنه عايز يحترف، واضح إن جمهور الأهلي مش فاهم يعني إيه كورة، مش فاهم مغزى الكورة إيه؟ جمهور الأهلي عايز يستأثر باللعيبة وتفضل اللعيبة عنده لحد ما يبطلوا، مفيش كده الزمن اتغير واحنا في عالم الاحتراف والعالم كله بيعمل كده من زمان».
وأضاف: «محمد عبدالمنعم، عايز يحترف، الجمهور زعلان منه ليه؟ ليه إنت زعلان من الراجل هيروح يحترف في أوروبا وبيدور على مستقبله ويبقى زي محمد صلاح والنني».
وتابع: «الجمهور زعلان ليه إن عبدالمنعم، رابح يحترف؟ عايزينه يقعد هنا يلعب سنة ميلادية كاملة، عايزينه يقعد هنا ميعرفش الدوري هيبدأ امتى ولا هينتهي امتى».
وأتم: «محمد عبدالمنعم، له الحق أنه يسافر ويحترف وياخد فرصته ولازم كلنا ندعمه، احتراف عبدالمنعم، هيخدم منتخب مصر، الكرة بتصنف على المنتخب ياريت كانت بتصنف على النادي الأهلي كان زمنا في الأربع المراكز الأولى في العالم