«اللي أنا شايفه يخوف».. رسالة قوية من إبراهيم سعيد ل إمام عاشور

انتقد إبراهيم سعيد، لاعب الأهلي والزمالك السابق، إمام عاشور، لاعب الأحمر، لتراجع مستواه واللعب بطريقة فردية.
جاء هذا بعد مشاركة إمام عاشور في فوز الأهلي على البنك الأهلي، أمس الخميس، لحساب الجولة 32، في الجولة ال32 ببطولة الدوري المصري.
وقال إبراهيم سعيد في تصريحات تليفزيونية: «أنا بحب إمام عاشور، أكثر واحد بدافع عنه مش محبة وخلاص بس عشان لعيب كويس».
وأضاف: «إمام عاشور وسط لمرحلة من الهدوء، أنا بيعجبني اللعيب اللي عنده ثقة في نفسه بس مش توصل لمرحلة إنك تلعب فردي، ده يأثر عليك وعلى الفريق وده باين على طريقة الأداء».
وأكمل: «بخلاف المشاركة في البطولات هو مكانش بيشارك كدة مع الزمالك وارد إن عنده إجهاد، بس لازم أبقى عارف إن انا مش كويس وعندي أحسن من كدة، وبيني وبين نفسي مبقاش مقتنع بكدة. تبقى كارثة لو مقتنع إنه ظاهر بشكل كويس ومعدل الأداء بينزل».
وتابع: «المستوى اللي أنا شايفه ده يخوف، ولازم يفوق نفسه، ويقعد مع المدير الفني عشان يبدأ يأهله يظهر بشكل كويس».