بعد أنباء الرحيل.. إبراهيم سعيد يوجه رسالة ل إمام عاشور (فيديو)

علق إبراهيم سعيد، نجم النادي الأهلي والزمالك ومنتخب مصر السابق، على أنباء تلقي إمام عاشور نجم فريق الكرة الأول بالنادي الأهلي لعروض خليجية وتحديدًا من أحد الأندية السعودية، وأخرى أوروبية.
وقال إبراهيم سعيد خلال تصريحات تليفزيونية عبر برنامجه «بلس 90»: «أخبار تلقي إمام عاشور عرض سعودي للرحيل عن النادي الأهلي متكررة، والكلام ده ممكن يأثر على إمام عاشور على تفكيره وتركيزه، وده بدأ يظهر».
وأضاف: «إمام عاشور لازم يبقى واضح لأن الكلام ده بقى منتشر وبيزعل جمهور النادي الأهلي، لأنه بطل القارة ولا يقل عن ريال مدريد وباقي الأندية الأوروبية، وبعض صفحات الزمالك بتقول أنه ندمان وكلام كتير».
وأكمل: «جمهور الأهلي بيحبك، عشان أنت لعيب كويس ومجلس للمكان وبتقاتل عشان الفانلة الحمراء، ولما بتمتعه كورة وأنت بتلعب فعلا لصالح المكان، ومش بسهولة جمهور الأهلي يحب حد ولا يقتنع بلعيب، لأن مش أي لعيب يملى عين النادي الأهلي».
وواصل: «إمام عاشور لازم يرد من خلال الملعب أنه يقاتل، وكمان تصريحاته على السوشيال ميديا، ويسد ودانه لكل العروض والأنباء عن الرحيل الوهمية».