نجم الزمالك السابق مدافعًا عن الشيبي: «لو حصلت معايا مش هطلع الشحات من الملعب»

لا يزال صدى أزمة حسين الشحات، لاعب الأهلي، ومحمد الشيبي، لاعب بيراميدز، تتصدر المشهد، بعد تدخل الثاني بعنف على الأول في المباراة الأخيرة بينهما.
وكان الشيبي قد حصل على البطاقة الحمراء، إثر التدخل العنيف على حسين الشحات، وأعلنت فيما بعد رابطة الأندية، إيقافه 3 مباريات وغرامة مالية عليه قيمتها 50 ألف جنيه.
وفي هذا الصدد تحدث أمير عزمي مجاهد، لاعب الزمالك السابق، قائلًا: «السبب في القصة دي كلها من الأول العقوبات اللي طلعت».
وأضاف: «الشيبي كان داخل على حسين الشحات بقوة، بس ليه مش بتحط في دماغك إن الشيبي ده بني آدم. أنا بكلمك بصراحة».
وأكمل: «لما تضرب بالقلم وتتشم بأمك الطبيعي أنا لو حصلت معايا واتحاد الكرة مجبليش حقي والله العظيم ما أطلعه من الملعب».
وتابع: «القصة كلها إن العقوبات على المزاج، دي لو حصلت في أي دوري من الدوريات في لاعيبة ممكن تشتطب فيها، أنا ضد إنك تكون مؤذي في الملعب، بس أنت بقيت مؤذي ليه؟ ما أنا مش عارف آخد حقي منك برا الملعب خلاص هخده جوا الملعب».